今日放工去左拎結婚DVD，因為要改歌，所以等左咁耐，結左婚就黎五個月先攪掂，點知返去睇時發現有問題．．．都唔知由佢好定拎去改過好！其次係佢印左個好樣衰既大日期係隻碟上面，好leung．．．
晚飯去左食譚仔，好耐冇食了，又掛住佢陣味，通常去完旅行都係咁，就去食喇！
聽日約左凱玲食飯，記得係UNIQLO見過條BB裙仔連leggings好靚好得意架，係旺角食完飯就特登去一轉青衣城買；凱玲宜家剛18個月，我想買18個月size，fitｄ好睇ｄ麻；但太陽哥哥驚凱玲肥得滯唔岩著，但大一個size已經係24個月，我又覺得過大喎．．．諗住唔怕啦，唔岩咪拎去換囉，點知比錢時話衛生問題BB衫係冇得換架！迫於無奈打比Victor問下應該買18定24個月好，點知Victor話凱玲有好多好多衫啦，著唔晒，千祈唔好買喎．．．我好想買架，太陽哥哥辦事真係．．．唯有影低相去滿足一下自己啦！
呢條貼身褲仔又係好型好cutie呀！
沒有留言:
張貼留言