2010-02-15 (Mon) 年初二：呀仔黎拜年．板前晚飯．錦衣衛

 

年初二呀仔＋Hazel 黎拜年，順道參觀我地既新居；傾傾下先知原來呀仔已玩過三次snowboard，韓國、北京、再韓國，上一次韓國係上年三月，仲係我地個滑雪場High One！一聽後大家勁有親切感，勁分享，佢仲開facebook比相我地睇，見到個場好想即刻飛去呀！原來當時佢地join韓國觀光局既滑雪團架，一路講一路講，呀仔話下年應該再去一至兩次，仲問我地係咪有興趣一齊，我地梗係有啦，只係擔心level差唔遠，一齊玩唔知怕唔怕咋！呀仔同Hazel佢地勁正呀，上年三月係韓國WON最平，佢地玩完後覺得真正愛上snowboarding，臨走時以1對200買埋snowboard同鞋走呀，佢地宜家係有整成套snowboarding"架餐"，好羨慕呀！

黎我地屋企規條係要影返張即影即有，呀仔＋Hazel 係度加工緊：

 

我地去左板前食壽司：

 

呀仔係一個好玩得既人，叫佢擺甫士從不託"手爭"！

 

跟住我地去睇『錦衣衛』，人紅真係咩都掂；唔紅個時，拍咩戲都紅唔到，打極都撈唔起；紅左就唔同晒，我覺得Donnie好勁好英呀！ 不過套戲講國語，係呢part 差ｄ．．．