因為以前黎過韓國既關係，我地今次報團揀左ｄ留首爾短ｄ時間既團，因為滑雪係首要，而行街shopping唔係必要；所以係首爾既時間，今日最多行程既！
出發時琪琪同威哥先影下酒店外面既環境，仲發揮跳躍本色，威哥好似spiderman呀！
今日早上係零下負十幾度呀，我以為一零下就實會落雪，原來唔一定架，因為有太陽就唔會落雪．．．係咪因為太陽哥哥跟埋我地黎韓國，所以先會成見到太陽呢？
雖然係零下負十幾度，感覺實勁凍啦，但出到室外又唔係我想像中咁凍囉，平時係香港十度已經好凍，我覺得呢刻似香港的五六度而已！
去左一間cafe食自助早餐：
諾諾同餐廳的snowman影相：
餐廳外邊條行人路的藝術品：
食完早餐我地就去左KimChi School，今日一齊學整泡菜！
呢位就係我地今日既老師，佢講得一口流利國語架！
100克泡菜中的營養素含量：
開始前先影相～～
諾諾好鐘意食碟黃蘿蔔架，聞下香唔香個樣好鬼攪笑，仲擺出一幅得意表情添！
老師個位梗係大好多啦，趁佢行開去佢個位度擺下野先！
整完泡菜我地就去試穿朝鮮時代貴族服啦，仲見到比人扮大長今影相既背景！
睇下諾諾幾攪笑，佢勁爆得意呀，套衫好襯佢，成個日本／韓國仔咁！
大家陸陸續續換好衫後，就排隊影相啦～～
諾諾頂帽甩左，太陽哥哥幾溫柔同有心機幫諾諾戴返！
跟住再一齊影相，太陽哥哥仲扮諾諾成日倒及牙咁笑！
轉個view又影過～～
張氏全家幅：
方氏全家幅：
大全家幅合照～～可惜表姐夫今朝病左留係酒店休息，佢係度就perfect了！
跟住堅囉．．．導遊Pauline叫琪琪坐低，再幫佢鋪到條裙"散"開晒，佢話韓國人既婚紗相就係咁影！
冇新郎喎．．．即刻拉左威哥過去頂！
笑爆咀～～
跟住搵家姐，即係我，不過好在我個老公係堅既！哈哈～～
之後又有另一爆笑事件，起身後Pauline拉我過去著衫位置，跟住佢拎左一堆野出黎，然後逐一著／放係我身上／手上．．．
原來係朝鮮時代既新娘服飾，我開到仲以為係皇后服飾添．．．Pauline仲叫我對手唔好放落黎，要係咁托住塊布．．．
跟住佢就『登～登～登登～～』咁唱結婚進行曲，仲拉我地行去前方，眾團友見狀就讓路比我地行過，仲企埋一邊拍手，真係十足結婚時march in 一樣！（睇返相先發覺Pauline玩得好開心喎[玩我地]!!）
去到呢個佈景板前面，眾人就當我地係紙牌公仔咁影我地，好尷尬呀．．．
之後唔記得邊個打頭起哄，大話錫錫．．．
玩完後就叫諾諾做『花仔』一齊影相！成個過程雖然勁爆尷尬，但又勁爆好笑囉！
短片逐格睇：
沒有留言:
張貼留言