下午行程係去樂天世界～～
先影張大合照：
2010 New Year 仲好合時丫～～
諾諾先玩騎馬仔：
騎馬仔前面呢幅畫，有睇韓劇"天國的階梯"，就知係成俊哥同靜書的愛情故事，所以導遊教係度影相要擺個LOVE甫士，亦係韓國情侶好興架！
琪琪話要自己擺，仲要打橫咁擺喎，不過要太陽哥哥幫手，點知．．．穿崩添！
呢張好ｄ啦，不過成日喪笑既．．．攪咩呀？
呢兩隻松鼠係代表樂天世界既公仔，我見到佢地就會諗起chip n dale呢！
因為好多大型機動遊戲都要排隊，我地都唔太想排，其實我地以前已經黎過樂天世界，所以興趣不大，情願周圍行下影相！
我未試過去樂天世界室外場，趁未天黑出去睇下同影相先！
城堡好靚呀，不過後面太多市內建築物．．．
貫通園內園外的火車：
樂天最高的跳樓機～～我老了，不敢玩．．．
呢個game廣州長隆都有丫，不過唔知係咪一樣高呢？
開始入黑，好凍呀，我地就去左玩碰碰車，貪可以入室內取暖！
玩完就搭火車入返園內：
火車上自拍：
Jumbo size唇膏：
今日晚餐自費，我地揀左跟導遊試地道大排檔，因為諾諾唔方便去大排檔，我地兩家人就分道揚鑣，姑媽佢地留係樂天世界食拌飯＋石頭飯：
我地就係入口集合，準備一齊去食大排檔！呢兩張相特登搵Pauline＋Hody一齊影架，因為有目的．．．聽日就揭曉．．．
姑媽佢地繼續留係樂天世界，仲買左粒粒雪糕食，諾諾應該第一次食，個樣好攪笑！
點解ｄ雪糕咁細粒既？
洗唔洗咁樣裝呀？
好凍呀！
繼續玩，玩左好多車車～～
我地就係充滿地道風味既韓國大排檔食晚飯：
回酒店途中，諾諾又表演啦，今次唱生日歌比前日生日既團友Jana姐姐聽！唱完大家都拍晒手同勁歡呼，我地就順勢叫諾諾補唱返比舅婆聽，佢又真係唱埋喎，唱完仲好大聲講左句：I Love You 舅婆！真係超冧呀，個個呷晒醋啦；最後諾諾同個個都講晒 I Love You ，但最後竟然唔肯講 I Love You Sunny哥哥呀！
沒有留言:
張貼留言