一早起身就見到個咁靚既雪景，成個人爽晒呀！講真，之前對韓國真係冇咩期望架，只係覺得去日本太貴啦，就揀左黎韓國；今日第三日啦，我地住既地方、玩既野、見既野，暫時都非常好，大家都十分滿意，我絕對覺得拍得住去北海道呢！
今日會分兩團人，再滑雪既要一早起身check out出發，唔滑雪就留係酒店中午先check out；食過早餐後，我地就要跟呢間靚靚酒店道別啦！
趁有時間影多幾張相先～～
捐埋入個冰洞度影先，入面真係堅冰黎架！
跟尋日一樣，出發到滑雪場，整裝後爭取時間即刻出發；今日導遊Pauline專程睇住我地三個，做我地私人教練；Pauline話唔係因為琪琪玩，佢都唔會租套ski 同我地玩；而如果唔係我同太陽哥哥今日同琪琪一齊玩，琪琪又未必玩喎！所以今日其實係有我地先有琪琪，有琪琪先有Pauline！哈哈～～
Pauline話滑雪奧妙既地方係，當您征服左一條滑雪道，您會想再征服另一條，所以今日係唔會玩返尋日玩過個條既！〔其實我想講．．．點為之征服先？我個人覺得係成條滑雪道滑落黎都冇跌過，咁就叫征服喇；但尋日個條AT2，雖然玩左四次，但我都係碌落去多喎．．．
〕
好啦，今日我地先要征服既係AT3(紅圈位置)，呢條滑雪道就係滑雪場入口開始，所以唔洗搭Gondola；AT3好窄好多彎，對我呢個未掌握到轉彎既snowboard初學者黎講好難呀，仲難玩過尋日的AT2，我都係一扑一碌咁滑落去！
佢地三個滑得快過我，就係半路大空地位置等我sir黎！
我未到佢地就影下相～～
I'm coming～～
下半截的AT3直同闊好多，跌少左自然好feel好多，加上係板上時間長左，多左機會去感覺點控制塊snowboard，真係好正好好玩呀！AT3落到底就係Gondola站，但我地唔係搭Gondola，反而係．．．
另一邊既無蓋吊車！
因為我地下一條要征服既係Z3(紅圈位置)，所以要搭吊車上Valley Hub！
好凍好大風，仲要捉實塊snowboard，唔可以比佢跌落街，好重．．．好驚．．．
一路上一路上，會經過滑雪道既上空，如果塊snowboard跌左落去就幣了，所以我同太陽哥哥全程車都唔敢點郁．．．
Z3滑雪道更好玩，全程滑左大約半個鐘，滑雪場越高越少人，越高越好玩，咁大個女真係第一次真正感受到滑雪既樂趣！沿途風景：
係呢個時候，媽咪同諾諾佢地都開始離開酒店啦～～
我地玩完Z3，就坐Gondola上返滑雪場入口，我打死都唔再坐冇蓋吊車呀，勁驚呀～～
今日係星期一，滑雪場比尋日假日少左好多人，下次有機會再去滑雪，盡可能揀閒日先去！上返山時，經過今朝個條又窄又多彎既AT2滑雪道～～
上到去見到諾諾啦，呢個就係隨團既攝影師哥哥Simon，佢好鐘意同諾諾玩架！
媽咪同琪琪買了mask作紀念品～～
原本的計劃係我地三個會上山頂影心心相，跟住係山頂or山中間滑多轉落黎，因為距離集合時間仲有個幾鐘，唔食飯都冇所謂．．．不過跟媽咪姑媽見面後，佢地話想試山頂旋轉餐廳，我地個心其實想滑多轉多過食野架，不過都係就下長輩啦；於是我地就同表姐分道揚鑣，佢地尋日已去過山頂旋轉餐廳，就留係度同諾諾周圍玩下；我地就上山頂，不過媽咪威哥姑媽就要買程Gondola飛，都唔太抵架．．．所以黎滑雪，咩都買全日飛先最抵玩！今日收費：
Gondola半日票：WON49,000
Snowboard半日：WON26,000
Ski半日：WON23,000
Gondola round trip：WON12,000
諾諾今日個滑雪look：
雪兜取替了ＢＢ車：
表姐帶諾諾玩屋仔：
玩sir滑梯：
諾諾幫媽媽拎包包，好乖仔呀！
諾諾話要玩train喎～～
另一邊廂，我地就出發去山頂啦！
沿途風景：
Gondola內影相：
遠處已見到旋轉餐廳啦～～
沒有留言:
張貼留言