.gif)
Elsa & Michele知道我聽日正日生日會放假，特別係今日送定生日禮物比我，好有心呀，多謝妳地！
Elsa 送的 Chip n Dale pins：
Michele 送的小馬folder，連花紙都襯埋色！
放工去左 iSquare Log-on，主要去買兩樣野；一係電子骰盅，預備初三有朋友上黎拜年時開賭局用既，開頭以為只係骰盅一個，點知入面仲包埋：三粒魚蝦蟹骰＋五粒點數骰＋魚蝦蟹賭紙＋大細賭紙，一百蚊唔洗有咁多野，好抵玩呀！到時應該幾好玩的，好期待呀！
第二係買Yammy+Elsa送的生日禮物，呢份係實用版，揀ｄ自己真係想要同岩用既野，咁就最實用啦，通常我地係咁送生日禮物架！嘻嘻～～
我揀左用黎紮頭髮既 Whirl-a-style兩個，total有四個size，我揀左大＋中size，方面紮全髻同半髻！
睇姐姐點幫我示範啦：
買完野就去左鴻星同太陽爸媽做節，今次我地試阿拉斯加蟹腿餐：
我同太陽哥哥都係最鐘意食鮑魚！
飯後返到屋企，收到班長寄來的生日咭，好準時呀！佢每年都係咁架，窩心～～
大約2340，聽到威哥剛回家，仲黎左我地個邊，原來佢送上生日禮物比我．．．呢個細佬，咁多年以黎今次係第一次咁有我心，買晒禮物，計好時間黎同我倒數，我咁講唔係話怪佢以往咁多年無做呢ｄ野，因為佢係我心目中只係我一個未長大既細佬，對佢一向冇咩要求．．．所以佢今年突然咁，我真係幾意外，好感動呢！多謝您呀～～
無拿拿休又上埋黎，原來Ben放低左蘿蔔糕比佢，係我地未返到屋企前，Ben等唔切，拎上黎放左係媽咪個邊，係真係有兩大袋蘿蔔糕架，所以我又冇為意，仲同佢係度寒暄幾句；又無拿拿，太陽哥哥捧住一個蛋糕係我後面出現，然後講：生日快樂！
呢part真係好意外呀，我仲問係咪休幫太陽哥哥買蛋糕然後拎上黎？因為今晚同太陽哥哥一齊成晚，佢冇可能買到．．．但當我見到蛋糕絲帶上的 Teresa Festival，我就知道係太陽哥哥公司樓下的cake shop，所以一定係太陽哥哥自己買既，但我今晚真係唔覺佢個身有收埋個蛋糕喎．．．原來係佢尋日買架啦，佢係雪櫃用汽水遮住晒個盒，我又無為意，所以原來個蛋糕一路係雪櫃我都唔知．．．證明我好少去雪櫃拎野食啦！哈哈！
呢個蛋糕細細個幾得意，我仲好鐘意太陽哥哥今次預備既彩色蠟燭呀，插埋上去個蛋糕變得好可愛！我用完仲冇丟到，留返下次再用唔好晒麻，我又唔介意既！
一向好怕食完生日飯又要食生日蛋糕，同一餐真係食唔落咁多野，今次一到十二點就先食到生日蛋糕太好了，呢個安排好good呀！加上係我意料之外，竟然瞞得到一向好醒既我，真係勁，估您唔到！Thanks my dear！
休：多謝您黎陪我切蛋糕呀！
沒有留言:
張貼留言