下一站係明洞購物區：
雖然有兩個鐘shopping，但係極度唔夠呀，因為八九成時間係幫朋友買野．．．其實各品牌鋪頭都好散，Pauline已好好人咁帶住我地順住去，Skin Food、雪花秀．．．我都買左少少雪花秀試呢，其實想買多ｄ架，不過太貴啦，加上尋日實在買左好多UG Bang
！去完雪花秀只係得返半個鐘，Laneige都買唔切．．．
扣埋行返去集合地點，我地以超快速度買左少少街邊野食同睇衫，短時間內執左兩件！其實我太少收穫啦，實在冇時間睇自己野，成個旅程只買了一共三件衫咋！
離開明洞後就去食午餐，今餐勁囉，食『宮廷御膳硫磺鴨筵席』，一共有８道菜：鴨花肉燒烤、鴨燻製、泡菜煎餅、鴨烤肉、韓國式涼冷麵、人蔘燉鴨湯、鴨湯粥、紅豆冰(甜品)！
太陽哥哥一路食飯一路畫緊Simon．．．
食完趁有時間同Pauline+Hody影相，佢地真係超玩得呀！
去機場前先去一間大型超級市場買手信，收tips同講感謝說話亦係車上進行．．．
大家都聽得投入，Hody好攪笑，感受有笑有淚，攪到我都喊左出黎．．．可能大家覺得好誇，但呢團真係超級開心，我地成班人都覺得咁耐以黎，跟團跟過好多次，而今次係最正既一次，簡直攞滿分咁好！當然，導遊領隊實有抽佣呀、執好多呀等等，但今次係比錢比得最心服口服既，甚至好願意主動比原定的更多，因為佢地都係打份工，而成個旅程入面，我地完全感受到佢地做既野係比原定的工作崗位做得更多更好，絕對拎得起呢份回報有餘！
至於Simon，因為團費冇officially講明要比幾多佢，我地都好想感謝佢連日來幫我地搬行李呀、斟茶遞水呀(因為韓國係冇bell boy冇waitor架!!)、係雪地度冇滑雪裝備甚至鞋既情況下，跑黎跑去扶我地起身呀、趴係度幫我地影相呀．．．工人都有糧出丫，大家都睇得出佢真係亳無怨言好努力咁去認真對待佢的工作，咁報答佢最好既方法就係買晒佢影既相喇！我地兩家人三本相簿合共二千幾蚊，全部買晒，又係好願意咁去比既，因為Simon真係一個好乖好純好努力既年青人，希望佢第時會有一個好好既前途！
太陽哥哥係機場度送上Simon既畫比佢！
合照～～入閘時真係好唔捨得呀，我地一路行一路回頭擺心型甫士，我仲同Simon講：哦爸，沙冷ER！Pauline話晒外家係香港，個囝囝又係香港讀書，感覺上都仲有機會見面丫；但Simon可能呢世都唔會再見到啦．．．入左閘我真係眼紅紅呢！
食飛機餐：
寫左封表揚信讚Pauline Hody Simon，我竟然寫左咁多字！
返到香港啦，拎行李～～
旅程要結束啦，好唔捨得呀！
我拉諾諾出閘～～
姑丈黎左接姑媽佢地，好冧呀，廿四孝老公！
返到屋企晒冷：
UG Bang＋可愛襪子：
雪花秀＋護肝寶＋Laneige：
Skin Food＋洗衣球～～洗衣球宜家好hit呀，香港好似賣緊五百蚊對，我地係韓國買只係三百幾蚊對咋！
連埋我著緊件tee，就係咁多戰利品，唔係好多咋！
今次的韓國滑雪之旅話咁快就完左啦，去之前真係冇諗過會係咁好玩，細團啦、工作人員勁正勁滿意啦、酒店好正啦．．．呢ｄ真係好運＋好彩；其次係以前玩過ski，覺得一ｄ都唔好玩，無諗過今次轉玩snowboard原來係咁有樂趣既，仲真係會上癮架！希望快ｄ再儲夠錢再去玩過啦～～
沒有留言:
張貼留言