尋日搵Pauline同Hody影相，其實就係為左太陽哥哥夜晚可以畫佢兩個，當係一份小禮物送比佢地！
今朝一去到酒店lobby，就送左比佢地啦，佢地好鐘意呀！
其實太陽哥哥都想畫埋送比攝影師Simon架，不過因為尋日搵唔到佢影相，所以冇野跟住畫，唯有今朝同佢影返張相先，睇下再點偷時間畫啦！
諾諾晨咁早就好醒神，係lobby跑跑跳跳，表情鬼咁得戚！
人齊就出發食早餐，今日去左一間有好多烏龜古石既地方食自助早餐，聽聞個老闆好鐘意儲古石，所以就開左呢間餐廳！
呢度仲係擺酒既地方，所以見到一ｄ結婚佈置；比如呢間房，原來韓國人結婚，個新娘係唔會走黎走去招呼客人，只係坐係度等賓客黎同佢影相！
Pauline同Simon示範點樣拜堂，韓國人原來用雞黎拜堂！
早餐後去左護肝寶專門店，估唔到我地尋日冇買人蔘，今日會買左護肝寶！兩樽大約一千三百蚊，三個月療程，我地一家四個人買左四份！買其實都係信會對身體好咋，個可樂同奶茶測試真係好堅，原來人食落肚既野真係好恐怖．．．如果只係調理一下身體，兩年食一個療程就夠，唔洗好似有ｄ寶品要keep住食．．．就係咁就買黎試下喇！
護肝寶主要降低人體肝臟以下呢兩樣野，買時會建議您先去醫生檢查呢兩樣野既度數，然後食完再去檢查一次，如果冇降低到，保證原銀奉還。
諾諾在車上做左好多攪笑表情：
下一站係南山韓屋村，傳統的韓屋村為朝鮮時代國王的駙馬、銀行官吏、以至士大夫們的住宅區；宜家復原左五幢傳統的韓式房屋，配以亭台、蓮花池等，屋入面仲擺放左符合當時房屋主人身份的家具同各種生活用品，等遊客了解過去佢地既生活方式！
今日又係零下十幾度，凍到小河流都結左冰呢！
大家都估到韓國人興放泡菜係酲入面，咁禾旱草入面呢？
原來都係酲，不過係埋左係泥入面，冬天就會咁架啦！
呢度都幾有特色，好似去左古代咁！
仲有好多兒時玩意，比如踢毽子，韓國毽仲好特別添呢！
其他唔知叫咩名既玩意：
諾諾snapshot，影埋流鼻涕！
沒有留言:
張貼留言