出去滑雪場啦～～
大伙兒影張大合照先～～
上次係北海道學過玩ski，覺得好攰好辛苦，唔係太enjoy；今次難得太陽哥哥勁想學玩snowboard，咁我就唔洗諗，一齊學snowboard啦，大家一齊第一次學，level差唔多，咁到下次滑雪咪可以一齊玩囉！
將鞋同snowboard合拼+ing：
試起板：
玩snowboard要將pat pat座低，腳尖"的"起塊板，snowboard自然會係雪上滑行；如果唔"的"起塊板，snowboard邊邊會積起好多雪，從而前進唔到！
一座低即跌～～因為玩snowboard好講平衡力架！
另一邊廂，學玩skii的團友們要跟導遊做熱身運動！
玩ski就包一個鐘教練，玩snowboard就冇，所以我同太陽哥哥唯有靠自己感覺同掌握點樣去玩，都難難地架，開頭係咁喪跌，但感覺好好玩同好開心！反而上次玩ski跌得多覺得唔太好玩，但玩snowboard就越跌越想快ｄ起身越想再試，好想試到點控制塊板，兩種感覺好唔好，真係奇！唔知關唔關我地玩過wakeboard事呢？
我覺得玩snowboard最重要係先要學係斜路度點企係度唔跌唔跣，同埋點hold停塊板！
懶得又除鞋又著鞋，太陽哥哥直接拉我上山！爽呀～～
不過比佢拉跌左！
開始掌握到少少，跌少左．．．但要明白，呢條斜路唔算好斜，下午上山玩個條係斜好多架，想上到山玩，就要繼續努力練習！
跌到pat pat位都有雪！
太陽哥哥都在努力練習中，但炒低係在所難免！
諾諾今次係第一次黎雪地呀，見佢好興奮咁係雪地行黎行去，應該好開心呢！
不過諾諾太細個冇得學滑雪呀，但好在呢個滑雪場都好有多設施供小朋友玩樂！
玩水泡：
表姐仲買了雪兜比諾諾玩呢，原來呢度既雪兜只有買，沒有租既！
與此同時，我同太陽哥哥都玩得好開心，雖然都仲係有跌，但已經好過開頭係咁狂跌呀！
沒有留言:
張貼留言