2010-01-22 (Fri) (下) 嫲嫲生日飯

之後就上七樓既聯邦金閣食晚飯，諾諾已經黎到啦，一見到我梗係勁開心啦！

今餐係慶祝嫲嫲農曆年尾的生日架，因為我地下星期同姑媽表姐一齊去韓國旅行，所以提前今日慶祝；叫左好多野食呢，十足飲宴一樣呀！

諾諾的晚飯購自澳洲牛奶公司的通粉，仲有燉奶做甜品呢，我睇見都留晒口水呀！

諾諾原來開始學中文字啦～～

個個都要同諾諾影相～～

其實諾諾唔係咁黐琪琪架，所以我地用盡方法氹佢，包括叫諾諾睇下琪琪ｄ手指甲，話有diamond架；諾諾真係好好奇，我地仲一齊count有幾多粒diamond呢！

諾諾又拎左我部相機，話幫我地影相呀，都影得唔錯丫！手上隻公仔係M記玩具，琪琪帶黎氹諾諾架！

成餐飯既高潮，就係我地檯個兩籠大壽包！

嘩！好大個～～一共有十六個！

我地都爭住要影相～～

媽咪係一月生日既，順便叨下光啦！

每個壽包入面都有粒咸蛋黃，好足料架！

睇大家食得幾開心～～諾諾仲傻到當係蛋糕咁blow呢！

跟住我同琪琪輪住同每個family影返張相～～表姐：

姑丈姑媽：

叔叔嬸嬸：

嫲嫲：

嫲嫲同我地班孫仔女：

同嫲嫲一齊影相唔夠放唔夠爽，我地就過左隔離吉檯瘋狂影相，由叔叔楂機！好爆笑呢～～

叔叔每影完一張都大笑一番，琪琪話叔叔心入面肯定好想一齊影！威哥聽完就即刻讓位(因為佢一向唔鐘意影相)；叔叔果然被琪琪猜中，佢好樂意加入我地個瘋癲一族呢，睇佢影得幾放就知啦！

諾諾係隔離檯一路望住我地玩，表姐就將佢抱埋過黎，魚目混珠入我地張氏行列；我地跟住就揀一ｄ諾諾識既動作，所以張張相都影到我地好合拍呢！

扮rabbit＋tiger：

我好鐘意呢張相，大家都笑得好真情流露呢！諾諾似係問緊恩恩：跟住我地做咩動作呀？

一齊Yeah：

好味道：

哈哈笑：

Peekabu：

扮猩猩／狒狒：

影相呢個環節真係令大家玩得好開心呢！諾諾跟住都好聽指示，叫佢做咩都肯，包括錫叔叔啦，攪到叔叔超冧！

kiss完仲hug hug添～～

琪琪就教諾諾蹺腳，仲有插袋，幾型！

Yeah～～呢輯相叔叔一定超鐘意啫！

諾諾都肯黐下琪琪了，被琪琪抱之餘，仲玩到瘋晒呢！

好在都記得同sunny哥哥影返張！仲記得我地一黎到，因為太陽哥哥遲放工未到，諾諾就問恩恩：sunny哥哥呢？

最後表姐覺得琪琪既新衫又岩身又靚又抵，最難得係佢五個月既肚都著得落仲有鬆位，就叫琪琪讓左比佢，叫琪琪聽日再去旺角買過喇！哈哈～～

今日餐晚飯真係食得開心、玩得開心，我地本是一家人，流住同一個血脈，係應該咁friend咁close既！I like this！