今朝又係一早起身，又係冇賴床，因為實在有太多新奇事物等住我去睇啦！起身落樓過酒店對面食刁檔食早餐，我覺得呢間好味過金邊個間呢，不過唔記得影相，因為大家好似已整裝待發咁，所以個早餐都食得好急呢！
轉眼間酒店正門已非常熱鬧啦～～
紅地毯最前面多左幾樣野：
我仲發現多左對新鮮豬腳呢！
同太陽表弟影返張先～～
花仔花女：
儀式開始～～跪拜親父母＋對飲：
之後就出發過大禮去女家啦，太陽爸媽拎第一組金盤，我同太陽哥哥拎第二組，原來我地輩份咁高呢，排第一同第二對呀！
龍頭：
完全望唔到龍尾．．．其實ｄ人真係全部識得定係做妹架？哈哈～～
龍頭前仲有高高燈籠：
出發啦～～我地分成兩直行，每人捧住一金盤，一對對咁行！
僧人一路打鑼打鼓，攝影crew亦係咁跑呀跑，同香港一樣！穿過馬路啦～～
市民甚至遊客都企定定睇住我地經過呢！
前面左面紅屋頂就到啦～～
呢度結婚都要同警察局申請架，咁就會有警察黎維持秩序！
黎到女家門口先放炮仗：
香港結婚用紅傘遮新娘，柬埔寨就用金傘；新娘會出黎迎接我地！
同新郎鞠躬：
跟住成隊team就先入去，坐係紅地毯兩旁既座位，但我地手捧重要禮節東西既就未入得住．．．
等大家坐好晒我地四個先入，照好笑，好似明星咁，被人睇住我地行紅地毯！
花仔花女＋新人＋兄弟姊妹團就尾隨我地～～
放低晒所有野先招呼一眾親友們食早飯，個粥好似蠔仔粥咁，幾好味架！
食完早飯，過大禮既物品亦已排好係女家大堂位置，一眾親友亦準備繼續儀式！
先係一對媒人出場，男係後面唱歌，女係前面跳舞，由後面跳到去前面，途中會隨意拆開金盤既包裝，取走在內的一對物品．．．
新人同雙方父母交拜：
呢度既結婚戒指唔係一模一樣架，女裝還女裝，男裝還男裝，其實似鑽石戒指款式多過似結婚戒指，同香港有點不同！
交換結婚戒指：
男家給利是(唔知係咪代表禮金呢??)，跟住女家回返cash，係美金黎架！
呢部份儀式完結，等新人換衫時清場，準備拜祖先～～新娘呢套全紅婚紗，係我同太陽哥哥最唔鐘意既，有點恐怖，不過呢度既習俗係咁．．．
拜祖先後入返大堂夫妻交拜＋揭頭紗，但冇錫錫環節的！
跟住又要換衫啦，預備上頭儀式～～換左套靚衫，又要影下相先！
新人＋兄弟姊妹團：
上頭儀式～～
跟住長輩們要輪住上前去幫新人上頭，其實只係作狀梳一梳同扮剪下頭髮！
上完頭就影家庭照時間，我地都有份；雖然係平輩，但太陽哥哥因為係表哥，都比表弟輩份高少少，攪到我地有點唔好意思呢！
午飯時間～～又食．．．
午飯後我地坐12座去遊車河，去左一個郊外地方，有幾個賣生果的小攤檔：
Jumbo size的蕃鬼荔枝：
趁空閒與太陽表妹係河邊同屋仔旁影相～～
我地上車後，小販跟埋黎推銷！
之後返女家，一切已清理好，預備今晚既女家結婚晚宴啦！
有live band添喎，太陽哥哥仲係度扮彈結他呢！
太陽呀姨換好了奶奶衫，梗係要同佢影返張啦！
門口開始迎賓啦～～
趁有時間，攝一攝影相先～～
柬埔寨結婚晚宴好特別既，兄弟姊妹五點就先食飯，因為跟住迎賓，係一路迎到客人食完架，中途唔會有份入去一齊食架；而新人呢，係最後攪掂晒所有野先同屋企人一齊食架！
男女各一邊咁迎賓，新人亦會親自送上小禮物！
餐牌：
放人情既箱子：
小禮物：
我地今日唔係主角，所以可在正常時間食晚宴；呢度晚宴另一特別之處係，賓客黎到坐埋一齊，湊夠一檯侍應就會即刻端上食物開始食，食完就清檯比下一班賓客，每檯既開始時間唔同都無所謂，唔似香港係一齊開始食，因為賓客黎既時間個range都幾大，由六點到八點幾不等，加上食飯中途亦唔會有咩新人露面既環節，佢地只係一路企係大門口迎賓！
等到所有賓客差唔多食晒，最浪漫既環節宜家先開始～～
新人進場：
賓客燃點小煙花祝福，一路至成首歌完成為止～～
浪漫祝福一完，賓客會亳不客氣為新人送上噴霧，真係先甜後苦，天淵之別！
切蛋糕～～每個都要切，幾特別呢！
開香檳：
餵雙方父母食一啖蛋糕：
跟住到新人互餵對方食一啖：
等左成日既互錫環節，不過佢地超級怕羞呢！
被玩環節：
最後新人會帶頭跳舞，賓客們亦可一齊參與，成個晚宴隨之圓滿結束！
晚宴每位賓客都會打扮到花枝招展，隆重過香港好多好多倍呢！
好多街坊係欄杆外觀看呢！
帳篷外既場面，原來好多好多街坊都黎湊熱鬧呢！
晚宴大約十一點到尾聲，男家親友都隨即要離開，趕回男家休息，因為聽朝新娘就會被接回男家呢！司機加快車速，我地返到男家時已經凌晨兩點幾，沖完涼上床時已凌晨三點幾啦！
沒有留言:
張貼留言