今朝起身真係有點辛苦喇，因為尋晚只係訓得四五個鐘，不過眼訓既感覺好快被興奮既心情掩蓋，換好衫後就落樓下睇下呀姨屋企門外既佈置！呀姨家門前已搭了小型帳篷，冇女家個個搭得咁大，因為男家會係酒樓度擺酒！
呢刻先知新人既中文名字：
金銀蕉樹～～成棵蕉樹係真架，只係香蕉被鬆上了金銀油！
我們亦先食早點，都係食粥！
男家既屋企大堂亦已換上拜堂佈置：
呀姨家的大露台～～我地夜晚就係係度食糖水、傾計架啦！
兩個『花女』捧住鮮花等新人到達：
花車到達啦～～
新人跟住上男家屋企～～
黎到影下相先～～
男家親友的一個小孫女，佢條花女裙仔好可愛呀！
新娘換過衫後就開始斟茶比長輩啦！
我同太陽哥哥都有份，不過大家係平輩，唔洗跪同坐啦，我地傻下傻下，跟住新人做合十手勢，旁邊ｄ親友就係度笑囉！
飲完茶後就送上禮物＋利是！
親友合照時間：
之後就食午飯，下面係新人同男家父母係屋企食既第一餐飯：
我地就去返帳篷食：
完成左上午既禮儀後，我地就係屋企休息沖涼梳洗，訓返個晏覺；四點左右就起身出發去飲宴地方！
新娘房，各人都在化妝set頭呢！
MENU：
我開始肚餓，加上今晚我地要幫手迎賓，實要晏食飯，所以太陽表妹帶我地去買個街邊檔炒麵醫肚！
呢個炒麵係非常好味呢！
開始迎賓啦～～
我地成晚就係門口幫手迎賓，睇住新娘換完一套又一套既禮服，好靚呀！我粗略估計，呢兩三日佢應該夾夾埋埋換左十五套衫都有！原來係柬埔寨結婚，要攪成兩三日，所以中間要換好多套禮服，鐘意扮靚既靚女，真係可以考慮下黎呢度結婚呢！
等賓客差唔多食晒飯時，新人就會換婚紗出場，佢地擺緊個心型甫士呢！
跟女家擺酒一樣，出場之後每個步驟同尋晚都係咁上下！
之後就上台被人玩下，又錫下咀咁！
之後落台下點蠟燭：
互相餵蛋糕同埋帶頭跳舞：
跟住我地先開始晚宴呀，大家都好肚餓呢！
太陽姨丈今晚好開心呀，飲到醉醉地，仲帶頭出去跳舞，仲做埋龍頭！
攪足三日既結婚過程就係咁圓滿結束啦，呢次既參與的確令我大開眼界，亦感受到另一個國家既結婚禮儀、習俗同特色，係一個又開心、又愉快、又難得既親身體驗！
沒有留言:
張貼留言