下星期就去韓國旅行了，但似乎都未預備好禦寒衣物，黎緊每晚都幾忙碌，冇咩時間抽到出黎，今日見細妹放假，反正我地夜晚都有親戚飯局，就放了半天假，陪她睇下ｄ厚褸／羽絨；去了幾間運動鋪，又去了戶外城，佢都睇唔岩心水；反而我就買左好多野．．．
一心諗住去CHOCOOLATE買件紅色外套送比太陽哥哥，點知見到CHOCOOLATE宜家出埋女裝，件件原價只係三百蚊樓下，唔算太貴，知佢唔會好似 izzue／IT咁轉個頭就減價，我又好鐘意one piece貪佢夠方便喎，加上細妹都覺得好睇(其實有d款佢原來已經買左!!)，所以決定即刻買！其實開頭冇咁狼揀晒三件架，只係要左兩件，但原來買滿一千蚊就有隻大猿人杯，細妹話想要喎，咁就有個借口買埋第三件啦！
太陽哥哥好鐘意呢類外套襯衫，上星期我見呢隻粉藍色好靚，都買左件比佢！
行b+ab時又睇中呢兩件one piece，點知佢冇新，要聽日覆第二間鋪有冇．．．唔係今日就真係大豐收喇！
話咁快就到六點，都未夠喉呢；但就要過油蔴地，因為約左七點食晚飯呀！去到永安想買砧板，琪琪推介王祖藍呢款，佢係工展會買左，好好用喎！仲話呢期呢款砧板好hit呢，天然毛竹造，無臭防霉又唔會花，但我今日先第一次見囉，真係out．．．
如果買砧板，原價$354一套既刀剪，只係$177就可換購！
我買了中size，永安再平$100，只係$240，不過都唔夠工展會價$188咁平；但唔通再等一年工展會咩，所以都係買啦，因為屋企真係有呢個需要！
因為我有五百蚊永安現金券想用晒去，所以買埋其他清潔用品，湊夠條數！
沒有留言:
張貼留言