2009 Xmas Card ．．．唔知收到既朋友有咩感覺呢？我就覺得舊年個張靚ｄ，因為有兩面，有男仔又有女仔，仲可玩"估錯處"添！其實今年由結婚後，我地都一直忙到年尾，所以今年既製作，的確急左ｄ；雖然設計簡單ｄ，但我都好開心太陽哥哥搵我做聖誕咭封面呢！加上佢知我鐘意氣球，就有呢個意念；我見到咁多氣球，令我諗起當時的結婚佈置呢！
又比大家睇下個製作過程先～～電腦稿：
草稿：
實物效果：
寄聖誕咭時，太陽哥哥亦幫我畫了兩張細既人像畫！
講完聖誕咭，講下年曆咭啦！因為時間唔夠的關係，加上我好鐘意呢幅結婚時用過的圖；唔知大家仲記唔記得呢幅圖當時係 menu cover呢？我諗到朋友們只擁有我地既帖＋利是封，呢幅圖未有喎，咁就不如用黎做年曆咭啦，咁就可真正擁有晒太陽哥哥所有既結婚設計圖喇！雖然重用幅圖，太陽哥哥都有改左ｄ背景同衣服顏色架！
實物效果～～隻粉紅色比我想像沉左ｄ，如果light一點會比較靚！
用呢幅結婚圖仲有個主要目的架，年年有收我聖誕咭既朋友，如果好記性or有keep晒我比您地既野，應該留意到呢幾年既年曆咭係一個系列黎既！四年前同太陽哥哥開始拍拖，佢將我加入佢每年既年曆咭設計度，跟住我地計劃結婚，再係年曆咭度慢慢透露呢個消息，到宜家我地真正結左婚喇！
四張年曆拼埋一齊，就好似『我們的愛情故事』系列咁；而2010呢張，亦係呢個系列既最後一張黎架啦，咁就正式為呢個系列畫上圓滿既句號喇！
沒有留言:
張貼留言