2010-01-21 (Thu) 新鮮運到的Strawberries!!

嘩～～好多士多啤梨呀，呢度一共有七磅咁多！

今日臨放工前，表姐帶諾諾黎中大搵我，為我送上新鮮採摘既Strawberries！因為剛剛放工時間，好在趕得切，表姐仲車埋我去車站趕車呢！諾諾楂住呢盒就係比恩恩架啦～～

好大粒架！

因為要返PT，所要要忍住口，返完工返到屋企先食！

倒出黎有咁多呢～～呢度有大粒又有細粒，全部都唔酸，好好味呀，多謝表姐＋諾諾！不過同媽咪一致覺得，細粒反而比大粒仲甜仲好味！今日係表姐同諾諾第二次摘士多啤梨架啦，話唔定下次係我地一齊去摘呢！