尋日仍然唔太舒服，放工後同太陽哥哥去睇完結婚相簿個初稿後，去左海景粥店度食粥；講返個結婚相簿初稿，真係麻麻地，值六十分咋，原本諗住可以係農曆年前拎到，似乎都係妄想了！
食左兩晚粥＋早點訓覺，今日精神好得多了，如期跟同事去探望Sharon兩個月大既Little Bryan，一去到咁岩Alyssa準備跟婆婆去買麥當奴，原來Alyssa好鐘意食麥當奴既薯條呢！
係檯面見到華仔親筆簽名既月曆，點解仲係Sharon同佢老公個名既？佢地咁大個人冇理由係fan club成員啫，一問之下先知原來華仔係Sharon老公個patient黎架，每年都會送親筆簽名既月曆比佢地架，仲有送演唱會飛咁呢，真係令人超級羨慕呀！
我自己最鐘意五月個版，最後既年曆，竟然有Andox同Box既生日，真係攪笑喇！
上次見Alyssa已經係七個月前，當然佢仲好BB樣：
今日見佢覺得佢高左同大個左，同埋仍然覺得佢好似"原島大地"
！仲有佢既怕羞程度一樣都冇變過，佢勁怕我地呀，想同佢親密ｄ都唔得．．．
Little Bryan：
我地叫Alyssa抱下同錫下Little Bryan，Alyssa照做喎，係一個好錫細佬既小姐姐呢！
好難得先可以同Alyssa影到相架．．．一叫佢笑，佢就會擺隻手係面珠仔度擺甫士架！
要佢錫更加難啦，除非．．．用jelly fish/芒果乾引佢啦！
佢隻手咪楂住左一舊囉～～
原來咁容易，大家都爭住試．．．成功！兩張相都good take！
又成功！
一齊笑啦～～
Alyssa with Tweety：
Alyssa 唱歌＋跳舞：
太陽哥哥今日交更後要參加同事的生日派對，我去完Sharon屋企就約左媽咪佢地一齊行街買雪褲同食壽司喇！媽咪有張元氣一月生日優惠咭，我地就去左元氣食啦！
Monica都有黎呀～～我地仲上左佢屋企坐，以公司包住既質素咁計，佢屋企真係算好大好舒服呢！
之後我地邊行街邊等太陽哥哥，跟住就去食甜品，去左瓊華既Pancake Colours：
我地食甜品，太陽哥哥就食晚飯；呢度係就係坐得舒服，因為張梳化好大好軟，侍應的確食完唔趕人走可以任坐，但我嫌太黑太嘈了，傾計就難少少呀！
沒有留言:
張貼留言