明天即將離開香港六天，今晚的晚飯，特登留給跟媽咪一齊食，媽咪煮了小型海鮮餐比我，仲有我好鐘意的花膠湯，好足料呀！
講返點解會離開香港？仲離開得咁急呢？事緣係因為．．．太陽哥哥柬埔寨的呀姨既大囝，一早已定左係今個假日結婚，太陽爸媽亦一早已訂左機票去飲，而我同太陽哥哥本身都冇諗住過去既，點知．．．係聖誕期間，太陽呀姨最細個囝，發生了電單車交通意外，當時已即刻送左去醫療較先進的越南就醫，可惜過左幾日，都係過左身．．．呢個細表弟係同太陽哥哥最friend架，只得廿二歲，所以太陽哥哥都唔係咁開心．．．呀姨就更加唔洗講啦，大囝結婚，細囝死左，紅事白事一齊舉行，點頂呢？太陽媽媽就叫我地不如都一齊過去，支持一下呀姨，權衡過能力後，我地都決定去啦，我張機票仲係前日先買架咋！
沒有留言:
張貼留言