跟住地就去韓劇『食客』拍攝地『雲岩亭』：
一落車係一片白懞懞既雪景：
雲岩亭內設有充滿韓國傳統建築物特色的宮庭御膳坊，我地就係呢度親手製作有機無添加正宗傳統石頭拌飯！
每個人既座位都放好了材料：
聽著廚師的講解及介紹一齊做：
我們的製成品：
媽咪手楂的係廚師的製成品，傳比我地一一影相比較下，真係差得遠呢！哈哈～～
我同琪琪都想快ｄ影相，好快咁食完就出去影下雲岩亭既景色；呢度既建築物係根據古代韓式建築而設計，亭台樓閣均極富有韓國特色！
大家食完飯後都陸續出黎影相，好在我地ｄ風景相影得快咋，唔係相中背景實有好多障礙物啫！嘻嘻～～
跟住我地就check-in黎緊兩晚會住既酒店喇，呢度真係好靚好high class呀，終於感受到超值團同豪華團既分別！呢間房係媽咪同姑媽既，諾諾一入黎就打電話，好攪笑！
大玻璃窗望出去，好靚既雪景呀！
媽咪同姑媽將ｄ韓幣放晒出黎晒冷，媽咪笑到傻左！
仲有梨汁晒冷～～
諾諾幾時同威哥咁friend？！
休息後我地就去浸溫泉，浸完就係酒店大堂集合，準備去食晚飯！趁未出發時影下酒店大堂同正門戶外的夜晚景色，好靚好浪漫呀！
晚餐地點：
菠蘿味芬達～～係唯一一間餐廳有的飲料，之後我地想飲都冇了！
飯後就去租滑雪用具～～
跟住又去便利店～～
韓國呢邊好多唔同味既奶類飲品，黃蓋呢兩款香蕉奶領隊話好好味架！
諾諾摷緊珍寶珠，佢話一支恩恩一支諾諾喎！冧死～～
情人節朱古力～～
呢款蜜瓜味雪條又係領隊推介，我地每人一支係車上食，真係好正呢，好濃既蜜瓜味呀！我以為北海道先有咁重蜜瓜味既野，估唔到係韓國都搵到！
便利店戰利品～～蟹柳又係領隊推介，話可for聽晚打邊爐食喎！
呢間係我同太陽哥哥既房間，check-in時掛住合拼兩張single bed唔記得影相，宜家補影返～～
沒有留言:
張貼留言