因為太陽哥哥假期有限，所以今日佢上午都照返工，執埋行李既手尾＋檢查好門窗既重任就交比我啦！大約一點，太陽爸媽架van仔黎到樓下接埋我，我地就去機場啦；磅緊行李時，太陽哥哥亦到達！好在尋日下午網上揀左位，原來呢個服務係咁好既，唔係黎到機場先揀位，實冇窗口位啫！
磅好行李後，影張合照就入禁區啦！
我地乘搭KA206 1600/1740航班，呢架應該係我坐過最細架既飛機，因為闊度一眼望晒，就係左邊兩個位＋右邊兩個位咁，得四行掃落去架咋！
起飛啦～～
飛機餐～～我個天使麵好好味！
原本香港天陰陰既天氣，飛機一穿過雲層，陽光好好，好溫暖呀！
到柬埔寨啦，呢次係我第一次踏足柬埔寨既土地！
太陽呀姨黎接我地，原來太陽家族黎柬埔寨都勁勁地架，有個海關／警察入左黎禁區接我地，我地比晒護照佢，佢就帶我地穿過探熱區、直過移民局，直接去到拎行李個度，直行直過咁出境我都係第一次！
跟住我地拎完行李，個海關／警察已經攪掂晒，比返護照我地就可離開！
柬埔寨機場充滿熱帶氣息，一出黎就聽到好響既雀仔聲，好似成個天都係地雀仔咁，我問點解咁多雀仔聲既？太陽媽媽話係車個ｄ笛聲，唔係雀仔聲呀！哈哈～～不過其實到宜家我都唔係幾明，因為我見ｄ車都冇響既．．．
柬埔寨篤篤車：
原來係大表弟車呀姨黎，接我地一齊返屋企！
去到呀姨屋企都天黑啦，之前太陽哥哥同我講過，呀姨屋企似香港既舊式祖屋咁，等我有個心理準備；我一黎到就：嘩～～係好大間祖屋喎！
車一停就望見好大個貨倉，因為呀姨屋企係做呢門生意既！
貨倉旁有條樓梯上樓：
上到黎就係大廳，好大好大既大廳！
牆上有張太陽媽家族好多年前既家庭大合照，當時太陽媽媽仲未生太陽大哥哥呢！
露台：
新房係我地位間房對面呢！
大廳直入就係廚房：
呀姨一返黎就監督住晚飯進度啦！
廚房的另一邊 - 飯廳：
晚飯啦～～
呀姨煮既大蝦好好味架，呢味大蝦通常太陽爸媽去完柬埔寨都會帶ｄ返香港既，所以我係香港都食過好好味架，今次就第一次新鮮咁食！
呢樣係另一樣好味既食物！
食完飯太陽媽媽就拆手信～～
跟住傾計時間，全程潮州話，我都聽唔明．．．好在太陽表妹識講下廣東話，佢嫁左去紐西蘭三年架啦，不過因為親細佬出左事，佢都趕返黎柬埔寨；不過始終同佢第一次見，未係太熟，又未熱身，唔係傾好多計；而期間，表弟亦比左請帖太陽爸媽，我地第一次見識柬埔寨既請帖呢！
其實今次黎得咁急，我有時都唔知發生咩事架，好似戇居居咁人地叫我企就企、坐就坐咁！哈哈～～黎之前，行程係點亦唔太清楚；今晚先知今晚要早ｄ訓，因為聽朝七點就要起身，去新娘住既省，車程要三個鐘架；仲要執定衫褲，因為聽晚要住酒店；後晚女家擺酒，大後晚先到我地．．．我都未消化得切，仲聽到R晒頭，咁複雜既？我以為好似香港咁，食餐飲宴一晚就攪掂啦，但咁聽落去，前後都攪三日喎？！雖然心裡好多問號，但長輩講咩就照聽照做啦，到時自然會知．．．大家就繼續追看我個blog啦！
沒有留言:
張貼留言