今日收到一份雖遲來，但十分驚喜的後補結婚禮物．．．
係咪超似我張結婚請帖呢？係舊同事Nora送比我架，開頭估把扇應該係國內出產，以為係Nora去旅行時叫街上的畫檔畫既，但我又諗，又無理由會袋住我張請帖去旅行啫．．．一問之下，原來係Nora自己親手畫架！嘩．．．咁真係好勁喎，無論顏色、線條、深淺，跟我的請帖都非常非常似，簡直達95%相似度呀！其實Nora話上年九月時已畫好，不過一路未有機會比我，所以拖到今日先送到比我！
連太陽哥哥都話堅呀，因為太陽哥哥都只係用電腦畫，而Nora係親手畫喎，冇得錯，手勢一定要掌握得好好，有咁高既水準，真係犀利！
另外，今日返PT前食了個Ｍ記魚柳包，可能早食啦，所以放工時已肚餓！返到屋企十一點半，太陽哥哥親手煮左碗紫菜生菜牛丸湯我食！好意外呢，因為佢之前淨係識煮公仔麵同罐頭湯架咋，但呢個湯真係有板有眼，仲好好味架，係一餐好窩心的愛心宵夜！
睇黎太陽哥哥煮野食會越黎越叻喇！
沒有留言:
張貼留言