今日係Auntie Florence 個囝 Andrew 的大喜日子，觀禮係對面海，晚宴係紅磡；本身冇諗住去觀禮架，因為一東一西，媽咪話中間的時間唔知去邊，又驚頂唔順對高踭鞋咁長時間．．．後來諗起可以搵太陽哥哥係交更前車我地去紅磡，加上Phoebe五點就會幫Auntie Florence就開始化妝，仲有間大房間，我地可以早ｄ去八怪，所以最後我地都出席埋觀禮！
觀禮地點係薄扶林道的聖安多尼堂，我第一次參加天主教式的結婚典禮；呢座教堂樓底好高，加埋彩色玻璃窗，我覺得好靚呢！
接待處：
場刋：
伴娘：
新娘由父親帶入場：
我覺得件婚紗好靚呢，全件都閃下閃下，拖尾又有隻大蝴蝶！
好多個神職人員呀，好似成個教堂既神父都出晒黎咁．．．乜天主教既結婚儀式會有咁多個神父架？
連屋企人都要上台讀經，Auntie Florence：
新郎細妹Shirley ：
禮成～～天主教的結婚儀式我個人覺得好長呀，除左講道外，有勁多經文要讀，有集禱經、獻禮經、婚禮感恩經、天主經、平安經、領聖體後經．．．又要分聖體，仲要分埋比台下既天主教徒，成個儀式要個半鐘，有點長呢！
三點半太陽哥哥黎教堂車我地去紅磡海逸酒店的婚宴場地，黎到時已有人開始佈置場地，呢棵樹掛住新人既相片，好靚呢！
座位表：
派給來賓的檯號紙仔：
場地外設有寬闊的影相區，新人就係係度同來賓拍照留念；仲有成個tea reception area，唔洗迫係場地內，感覺好grand呀！
我地一早去到，入左一個勁大房，Auntie Florence 同一眾男家親友就係度換衫化妝；我地就係度hea同埋影花絮，Phoebe老公Hugo都有係度一齊影相呢，不過當然係業餘啦！
主人家買左好多款COVA 蛋糕供早來的來賓做茶點：
呢ｄ係本身酒店供應既茶點，都不錯呢！
Auntie Florence換妝+ing：
變身後同老公影張甜蜜照先～～
三位識左幾十年既中學同學，上年九月我媽咪嫁女，今日就到Auntie Florence 娶心抱！
Shirley變身前後 ：
因為都多親友要化妝，髮型師反而有空閒時間，就幫我set左一個半束頭！
我自己幾鐘意呢，因為我最怕束起晒，留半個係頂盡架啦！
攪掂晒就入場準備晚宴，門口有個冰雕：
放在檯上的回禮禮物，開頭望落冇咩特別，只是糖兩粒；經新人解釋後，原來係赤柱一間聖母堂的修女親手種既蜜糖而製成的蜜糖糖，希望大家食左後會好似佢地一樣甜甜蜜蜜！聽完覺得好有意思呢～～
菜譜：
場內天花一共有三盞大水晶燈，每盞都唔同設計架！
簡單但隆重的台：
Auntie Florence另一套衫，我叫佢做美人魚！
新娘的敬酒＋送客晚裝：
因為飲宴前一直係大房間玩，冇出過去影低宴會場地環境，走時先補影！呢張係新人另一張婚紗照：
酒店大堂行上黎既樓梯：
羽毛樹：
沒有留言:
張貼留言