聽日出發去韓國滑雪啦，上次係花園街買的手套唔太滿意；後來比我遇上它們，一見鐘情就買下，跟太陽哥哥一人一對！
因為仲未有滑雪手套，今日放工後作最後衝刺，睇下有冇又平又抵的滑雪手套！未見手套先見可愛麥兜梘液，好可愛呀，我買了紫色的薰衣草味！
係花園街睇到間好平的，只係四十蚊有找就有一對；稱唔上勁鐘意，但絕對可接受，可惜較喜歡的總是男裝size，對我太大了．．．最後影晒相先，拎返去比媽咪佢地睇下，反正佢地都未買，再睇下點先決定，頂多聽日再出黎買啦！
跟住去傾結婚相簿、買即影即有相紙、去smartone check漫遊事宜、去十蚊店買廚櫃用的防潮、陪太陽哥哥買公仔書、買韓國插頭(可惜搵唔到!!)．．．攪掂完都九點幾，去左北海道活壽司食晚飯！
剛坐低冇耐，細妹打黎話係mYoga，咁即刻叫埋佢過黎一齊食，三個人食左又唔算太多野，因為大家都狂講今晚執行李帶ｄ咩，尤其是我同細妹，掛住講連合照都唔記得影！
返到去執行李執到兩點咁滯，我同太陽哥哥一人一喼！
太陽哥哥原本話帶一個喼，我梗係覺得唔可能啦，睇下我地放好基本野已用左一半多少少啦，戰利品都未有，已經咁滿，試問又點可以兩個人用一個喼呢？
我ｄskincare都咁多了～～
好期待呢次韓國之旅呀，因為我地一家＋表姐一家＋姑媽一共九個人一齊去架，個團先得23人，我地差唔多佔左一半呢！講真丫，好耐好耐好耐冇一家人／同媽咪一齊去旅行了，聽日更係媽咪的生日，呢個生日應該都夠難忘啦掛？！我自己都好緊張好興奮呀，好啦，要快ｄ去訓啦～～
沒有留言:
張貼留言