2012-04-11 (Sat) Oscar Test．首會小丁丁．BB衫．大肚褲

今日做Oscar Test 啦，因為QM做唔到要去贊育做，而收費都要$1800，又唔係我QM醫生做，所以決定比多少少，出去搵表姐個醫生做，咁岩QM醫生都識林醫生，仲話係佢師傅，都好鼓勵我去搵佢做！林醫生真係好勁，之前上網睇左唔少佢既comment，個個準媽媽都有讚冇彈，係信心既保證；最犀利係佢係香港數一數二既醫生係baby三個月咁細既時候，睇到男定女，兼夠膽好firm咁寫埋係report 度比您帶走！

見到呢張櫈，有ｄ驚呀，驚放腳個stand．．．訓係度對住的牆掛了部大電視，等準媽媽準爸爸一路訓係度／坐係度就聽到醫生講解！

上個月第一次係QM照，只係見到一片黑色既野；唔知係今日小丁丁大左，定係呢度部機勁，睇得小丁丁十分清楚，成個BB形出晒不特止，手仔腳仔已經build up 晒，每邊五隻手指腳趾，左右手腳係邊仔都好清楚！

 

 

 

最攪笑仲見到佢係度啜手指，只係90日多ｄ既人仔，竟然已經係我個肚入面啜手指，真係好amazing!

 

首會小丁丁，我同太陽哥哥都十分興奮，好開心！呢個Oscar Test 要 $2200，醫生講解得好詳細，仲燒埋DVD比您令走，都比得好值得，好安心！而其中有少少擔心係，醫生話我兩個卵巢都各有一粒水泡，呢樣都冇咩事既；擔心反而係子宮外壁有粒纖維瘤，成6cm大架；佢話好多case都係BB大，粒瘤會縮細；至於一齊大既case都有，但好rare！咁都好ｄ，不過真係嚇一嚇我同太陽哥哥！同埋，始終宜家呢個stage有事，唔知黎緊幾個月會點麻，大家要祝福我呢！亦因為咁，太陽哥哥同屋企人都叫我唔好做閒日份晚上PT了，一來唔想我身體咁操勞，二來我宜家真係好早就恰眼訓，返個份工個晚真係要成十二點先上到床，太晏了！



睇完醫生後，因為知道係男定女，兩公婆即刻心血來潮話可以買BB衫，去左baby gap 同 H&M，前者ｄ衫仔靚好多，亦比想像中平，但忍心冇買住！
 

呢件衫仔同鞋仔係我好鍾意的！



H&M d 衫冇咁靚，睇唔上！

 

反而大肚褲睇岩兩款，貪大肚褲得黎唔土，褲腳位仲咋腳，都型呢！想一氣叮成買晒兩款兼各兩色，因為屋企已經冇褲岩，著連身裙就仲係涼，下身好易入風呢，可惜一款得返一隻色；最後買了三條，仲係太陽哥哥埋單，獎勵我呢位陀B媽媽呢！^^

 

太陽哥哥行街時睇中左呢個背包，就到我買返比佢，慶祝今日呢個特別日子，恭喜佢有個B女！咁今日咁開心咁特別，我地大家都收到禮物麻，嘻嘻！