因為屋企裝修，少左見太陽爸媽，佢地好掛住我地呀，難得多左日重陽假期，我地一起身就諗住入大圍同佢地食早餐；都未出門口，太陽爸爸已打黎話係酒樓搵左位啦，我地就砰砰聲咁入去啦！
其實同屋企人食飯，我地最方便係假日夜晚，但太陽媽媽假日大部份時間都會去打牌，所以我地方便既時間剛剛相反，太陽哥哥假日日頭時間都會楂車，好似今早咁可以一齊飲茶，呢個機會已經係非常難得架啦！
飲完茶返去屋企坐陣，等太陽媽媽出埋門口，我地都走啦；去左沙田IKEA睇櫈，無我地想要個款．．．跟住去埋實惠．．．都係冇咩收穫，之後就搭巴士去葵芳，去左勁平藥房買日用品，買左藍威寶、洗衣粉、VS洗頭水護髮素，咁就一百五十蚊啦，一頭家真係好多濕碎開支呢！因為拎住重野，行多陣我地就返屋企啦，去大快活食埋個下午茶當晚餐，咁就過左日假期啦！
沒有留言:
張貼留言