今日係整屋之最後一日啦，所以今日係最後衝刺，所有野要執、清、搬！等太陽哥哥放工後，我先約佢係旺角等，陪佢去買書；跟住去返快富街個頭，去永盛買埋牆紙粉；再去瓷盆公司叫佢送返ｄ野，原來咁岩我地揀買瓷盆既公司，係鍾師傅識得架，佢話叫間公司送返個自動去水位比我地喎！
跟住諗住再去益大買天花線，點知已關門，激死，又要搵日再去過．．．跟住去埋睇浴室門同全屋既燈，浴室門竟然搵到太陽哥哥喜愛既趟門，開心死佢呀，但要問清楚鍾師傅係咪整到！燈就鍾師傅話去荃灣力新商場揀好ｄ喎，平ｄ同多款ｄ，所以要下次去過！樣樣野都要去睇去揀去格價，真係少ｄ時間都唔得，而奈何我同太陽哥哥既生活都真係幾忙，冇咩時間去做呢ｄ野，但我地仲有好多野未做，好似窗簾架s、窗簾s、洗面個鏡櫃、廚房放微波爐既架、掠衫架s等．．．仲要睇下個書房點整，門油ｄ咩色，之前細房張床點處置，買唔買過張梳化床好？．．．我地計劃過兩個禮拜去honeymoon啦，但都未有時間去旅行社睇下去邊，宜家ｄ時間用晒係整屋度，我諗honeymoon都係跟團機會大，宜家夜晚又冇得上網，都冇時間plan自由行啦！
攪掂ｄ野就去醫肚，去左譚仔，好耐冇食過啦，加上想食快ｄ，快ｄ返屋企繼續執野！試左新野 - 尖椒皮蛋，不過只得我一個食，梗係食唔晒，想拎走又費事，幾好味架！
雞翼每次都會叫既：
有點點紅色個碗梗係我架啦，太陽哥哥就每次都只配清湯：
太陽哥哥啟動啦～～
返到去就繼續執野．．．亂爆情景：
太陽哥哥好比心機咁封好/包好每條隙縫，以防"跣"灰時入到灰塵！真係全靠佢咋，叻！
因為床都拆左，今晚我地就訓榻榻米啦，係咪好型呢！去左日本咁．．．哈哈！
沒有留言:
張貼留言