今日太陽哥哥楂車，等佢放工後約左係旺角等，諗住去退返一卷牆紙，點知出左門口發覺漏左卷牆紙係屋企，跟住折返上去拎，搭lift時先醒起我都冇帶鎖匙，白行又白行．．．全因出門口時被四腳蛇嚇到七魂唔見左三魄，好在我搵到隔離屋個裝修叔叔幫我捉左去，真係man到爆！
冇帶牆紙都照去旺角啦，因為仲有門柄、門磁石、廁所水龍頭、鏡櫃未買，行左幾間見到尋日係荃灣睇中既鏡櫃，貴十蚊．．．再行，第二間又見到，平三十蚊，即買！Yeah～～
不過要等師傅黎執手尾個日先鑽窿裝到，換走左個舊鏡櫃，新呢個係咪靚好多呢？其實計返整呢個新鏡櫃同新瓷盆，夾埋都用左二千五蚊，都幾貴喎，好似唔太值咁
．．．真係粒粒皆辛苦呀！
夜晚即興，黐左休同程泳係葵芳一齊食飯；因為鏡櫃好重，先搭巴士拎返屋企，放低後即刻再搭小巴出葵芳，準時到達，勁！去左葵青劇院出面間好有情調既意大利餐廳 - Qui：
熱烘烘既麵包任食：
晚餐有湯或沙律選擇：
主菜有牛扒或黑毛豬選擇，兩味都非常出色！
諗返原來今次先係同休＆程泳第一次四人行撐檯腳，您地多ｄ約我地啦！
四人大合照，謝謝您地今晚比我地黐餐！嘻嘻～～
跟住去左新都會行實惠，想買櫈呀，但未有心水，等聽日行埋IKEA先決定啦！之後見到五尺高既Andox & Box，即刻同佢地影相先！
跟住去百佳入貨，買左好多野飲，裝修後，屋企雪櫃爆滿景象再次重現啦！
沒有留言:
張貼留言