結左婚都半個月了，之後一直都很忙，冇咩再提到結婚當天的細節，其實仲有好多野想同大家分享返既，尤其是一ｄ出席唔到既朋友；表姐當天用她的相機拍了數段短片，係度同大家分享下啦！
最開心係諾諾知道我同太陽哥哥要"結婚"呀！係表姐特登教定諾諾架：
斟茶片段(媽咪+叔叔嬸嬸)：
我同太陽哥哥升降台的驚喜+驚典出場：
我和太陽哥哥的 "I DO"：
我和太陽哥哥宣讀誓詞的一刻，去婚禮少不免會有呢幕；平時作為賓客，感覺普通，例行公事；但當發生係自己身上，會份外難忘、緊張、重視．．．很難形容，因為一生只得一次吧！加上其意義係，跟戀人一齊承諾，從此一生一世，互相愛護，承諾願意結為合法夫婦，共度一生！是一個很認真、很神性、很忠誠、很莊嚴的一個承諾呀！不過為左減輕嚴肅同沉悶感，我同太陽哥哥專登揀了一段攪笑誓詞，希望令全場有一個輕快但不失莊嚴的氣氛，大家聽清楚啦！
事後感：
事後有朋友讚我呢個律師做得好好呀，我都係咁覺得，由佢第一次briefing我地，佢既講野技巧同外型，都比左我地好多信心；尤其是外型，一行出黎個look好重要，未開聲人地已開始比分您，我唔係話岑律師好靚仔，但都算高大穩重型，衣著又整齊舒服，外型亦給人一種好smart既感覺，又夠presentable，所以我都會推介大家搵佢做證婚！佢叫岑漢和(eric)，大家岩就問我啦！
敬酒時，原來細細個的諾諾都好high，走左上台跳舞！我事後先知，估唔到佢人仔細細咁大擔，上台獻花比我已好驚訝，原來仲咁勇對住台下咁多人表演跳舞！真係叻、勁、醒！
跳到要去埋台中間，至夠薑係您啦！
表姐話諾諾好鍾意我出場個條樓梯呢，因為佢仲未係好叻咁行到樓梯，所以見到樓梯會鍾意過去行下練習下！
事後感：
一路都未有機會講下個場地 - 德福德藝會，其實呢個場係太陽哥哥心水，我之前既心水係紅磡都會既煌府，貪佢新場同埋個新娘房好靚；但其實兩個場我都唔抗拒，不過咁大個決定，最後梗係全權交比太陽哥哥負責啦，就係咁，佢揀左德藝會！
呢度我一早知道野食麻麻，但個場真係好豪好靚，樓底極高，全場冇柱，真係唔係好多地返有，加上佢本身的設備都好浪漫，又有南瓜車，又有鋼琴，仲有一個神秘既升降台！新娘房都好大，仲有得沖涼，岩晒我同太陽哥哥(我地個日去到都真係有沖涼架!!)！
以上種種，令我地偏重了要個靚場多過食物，反正飲宴的食物都係差唔多，只要唔係難食就冇問題，而為左令來賓感覺唔太差，我地亦加左錢換了鮑魚，希望係食物方面享受多返少少，挽回一ｄ分啦！
所以就算宜家結左婚，我都冇後悔揀左呢個場，全靠太陽哥哥幫我作了一個明智既抉擇，我真係好鍾意呢度！
最後提提亦係因為呢度樓底夠高，個場夠大夠grand，先令太陽哥哥好多idea，炮製左好多設計出黎，好似好多朋友鍾意既簽名板呀，仲有兩set紙板公仔同嫁娶字眼易拉架呀；其次仲有我ｄ汽球裝飾，包括氫氣球、圓拱型氣球入口、樓梯旁兩個氣球柱等等，所有裝飾合拼一切，全部都好襯個場，好多朋友話我個婚禮好浪漫好靚呀！雖然我之前提過有幾個位做得唔好，令到自己有ｄ唔開心，但整體上，我對自己呢個婚禮，感覺絕對係一世難忘，好滿意好滿意既！如果可以結多次婚(當然係同太陽哥哥啦, 哈哈!!)，我都願呀！因為實在太開心太難忘啦，就正如去完一次開心旅行咁，都好想再去多一次麻！哈哈～～
呢個係我同太陽哥哥既結婚證書套，其實幾個月前上律師公司briefing時，佢已經交左比我地，仲叫我地晒定張靚靚結婚相放係一邊，另一邊就係結婚證書，咁到時當日影相就好靚啦！可惜．．．我地係完成忘記左呢件事，莫講話晒定張相，連結婚當日都唔記得左帶，真係講出黎都笑死人！我地真係太忙啦，所以當日，只係用了律師的後備證書套！
宜家當然換返呢個結婚證書套啦，呢張就係我同太陽哥哥既結婚證書，從宜家開始，係法律上，佢既野就有我一半份架啦！哈哈～～證書特登手震咁影，費事show晒ｄ資料出黎麻，係咪好醒呢？嘻嘻～～
頭先提到宣誓時既攪笑結婚誓詞，宣讀時真係會氹到ｄ賓客笑架，但佢地又唔會係喪笑個種笑，所以都令到個氣氛幾輕鬆，大家可參考一下：
今日又係六號，同太陽哥哥拍拖第37個月紀念日，so far我地都仲記得呢個日子；咁係呢個特別日子，回味下結婚既細節，都唔錯丫！
沒有留言:
張貼留言