今日PT個度攪seminar，所以下午要返工四個鐘；之前一路諗前一晚應該係青衣定大圍度訓呢？又好傻咁諗，太陽哥哥開工時，會唔會咁岩有客去青衣或者大圍，咁咪可以車我返工囉？正係度諗緊訓邊邊太陽哥哥會大ｄ機會黎之時，醒起星期日朝要返教會，噢，所以冇計，都係要訓青衣！點知返緊教會期間，太陽哥哥sms我，話剛接到個客去機場，一陣可車埋我過銅鑼灣！嘩，真係邪到爆呀！因為太陽哥哥成兩三個月冇接過客去機場了，所以話呢，真係橋到爆添！
過緊紅隧：
太陽哥哥見我影佢，就係度擺甫士，咁我見暗暗地，就話幫佢影剪影啦！
見唔見佢做咩動作呢？哈哈～～
冇塞車，好快就過左海啦！
我地仲有時間食個lunch添：
今日係日本人俱樂部度返工，攪左個日本留學說明會，呢度真係好high呀！
我地個seminar room：
落地玻璃超正．．．
下面就係圓氹氹行人天橋喇～～
五點放工，即刻約左都係咁上下放工既太陽哥哥去睇旅行團先！因為唔想再拖，加上已鎖定南非為我地honeymoon既目的地，我地就決定今日報啦，唔想再花時間左睇右睇！
不過時間就大改，原本諗住揀24/10出發既，假都請好晒；但因為已成晒團，冇晒我地九月尾個價錢，好貴呀，原來成左團係唔會再減價架，我都唔知添！跟住sales就介紹一ｄ十一月出發，但未成團既比我地揀，而個ｄ都有首批報名優惠，分別有減二千、減一千三、減一千．．．精明既消費者梗係揀減最多個團啦，因為個團係完全一樣架，都係識嘆既豪華團，保證住兩晚迷城架！嘻嘻～～所以我地就報左減二千個團，12/11出發！
各位有興趣既朋友，岩就一齊join埋啦，反正我地都係跟團，有ｄ識得既人一齊玩，好過同ｄ陌生人一齊！加上多ｄ人join，就快ｄ成團丫麻！哈哈～～
另外，揀呢個團既另一原因係因為坐SQ，其實佢有另外ｄ團係坐直航SA(南非航空)架，但減得好少；開頭覺得係新加坡轉機都幾麻煩，但實在對SQ信心大過SA好多，星航ｄ空姐都索好多啦！加上靈機一觸，諗到坐SQ我地就可以係新加坡stay behind，玩埋新加坡，淨係用減左個二千黎比stay behind既charges都抵丫！
各位朋友仔：如果嫌南非太貴同冇咁多日假，亦都可以考慮飛過黎新加坡玩四日(19-22/11)，同我同太陽哥哥一齊自由行，我地無任歡迎架！
南非單張上呢三張相都好吸引我架：
報左名後，個心舒左口氣，總算攪掂一樣野，但仲未知成唔成到團，呢樣都令我有ｄ擔心既，一日未成團，個心一日都唔夠定；加上我要返PT，ｄ時間改黎改去真係勁唔好意思＋超樣衰，好似玩野咁；就好似十月尾個ｄ更，原先已搵人頂晒，宜家改左honeymoon時間，唔可能同人講話"我宜家都係返得啦，您比返我返啦"咁架麻．．．呢個未確實既問題，都令我唔知點交待好呀！
原本報完團諗住行IKEA，點知收到裝修師傅電話，話ｄ牆紙唔夠，要補．．．快富街close七點，唯有即刻碌去旺角買牆紙，再一次放棄行IKEA既機會！
攪掂牆紙後，太陽哥哥話返荃灣買埋ｄ燈，諗左晚都大致諗清楚要邊盞；佢怕過埋今日星期日，一陣想買都唔知有冇時間，咁我地又碌去荃灣買燈啦！
呢款波波燈太陽哥哥好鐘意，揀左黎做廳燈：
呢款波點燈我尋日一入黎就好鐘意，有黑白紅三隻色；但用黎做房燈價錢就貴左少少，要成六百蚊盞，通常房燈揀ｄ二百零蚊架麻；但因為太鍾意，太陽哥哥又同意買，佢都覺得靚既，於是就扑鎚啦！
紅色最型，揀左佢，YEAH～～
呢款波波燈太陽哥哥鐘意既，我當然鐘意上面個款多ｄ，有諗過揀兩隻色for兩間房，但黑白都唔太靚，所以要揀第二款，太陽哥哥就睇中呢款喇！我覺得青同黃都唔錯，交比太陽哥哥決定．．．
佢最後揀左黃色！
跟住到壁燈，廳同睡房各一，睇中以下兩款：
第一款係兩個波型燈，波面係磨沙加少少彩虹幻彩，光線發出黎幾靚！唔知點解我地睇中個ｄ都係波型？哈哈！咁都岩，易襯埋一齊麻！嘻嘻～～
第二款係好特別架，按一下純白光，再按一下純幻彩藍光，再按多一下係純白光＋幻彩藍光，型爆！哈哈～～
燈罩有方形、骰形、鑽石型揀，我揀左鑽石型！不過宜家就諗緊邊盞壁燈放廳邊盞壁燈放睡房好呀？因為幻彩藍光實在太型，又想放係房襯個夜光天花，但又想放廳比多ｄ人感受到喎！大家有咩意見呀？
買完燈就去吉野家打邊爐，食新出既特切牛肉火鍋！
一人一鍋，好好味呀！又係我個放假眼鏡look 出鏡，嘻嘻～～不過呢排好攰又眼訓，我真係要考慮日日戴眼鏡啦！
太陽哥哥好期待個火鍋呢！
今日報到團係我呢排最開心既一件事，因為結婚後，一路都得過忙字，曾經都會問：做咩攪咁多野呢？煩到死！宜家終於報左去honeymoon，好期待呢個同太陽哥哥既甜蜜假期！之前諗去邊又係好煩，都唔知點咁，我地想去一個大家都未踏足過既土地，咁已經唔可以揀日本東京、大阪、北海道、韓國、馬爾代夫、澳洲、台灣、泰國，咁去honeymoon都想去遠ｄ同耐ｄ，一定要破上次北海道＋東京九日呢個日數啦！哈哈～～希臘又話唔係呢個季節去，紐西蘭又要自由行先好玩．．．最後揀左南非，因為相信呢個地方好難自由行，要跟團先夠安全；而又係一個跟左團去而唔會後悔既地方，一生應該要去一次吧！南非又係我地兩個都未去過既，呢個地點實在太適合呢排咁忙既我地，加上玩埋新加坡一共十二天，係同太陽哥哥一齊去過最長既一個旅行啦，咁先似honeymoon麻！好開心好期待呀～～
沒有留言:
張貼留言