今日係同太陽哥哥結婚一個月紀念日呀，話咁快就結左婚一個月，時間過得真係快，但我感覺好似只係剛結婚無耐，因為其實結婚後都好忙，忙到宜家都未停過；我同太陽哥哥都未真正享受過婚後生活，希望間屋快ｄ攪掂好，買齊埋ｄ家具，咁就可以開開心心去honeymoon同迎接christmas喇！
今晚我要返ＰＴ，無時間去慶祝，不過太陽哥哥一早約定我放工一齊去食宵夜慶祝！佢黎接我放工後，我地就去左"東京"食宵夜，一坐低，佢就送禮物比我啦！
可惜我冇準備咩禮物比佢呢．．．好內疚添，因為太陽哥哥係餓住個肚，冇食過晚飯，只係周圍行買禮物比我同等我放工．．．我唯有請佢食宵夜補數啦！
我呢排越來越鍾意食刺生呀，成日一諗起就流口水，不過叫漏左我既至愛赤貝呀！
仲有少量壽司：
卷物好抵食呀，揀兩款一齊叫只係$45再半價，即係呢八舊野只係$23.5咋！
仲有我既至愛燒牛舌，好好味！
沒有留言:
張貼留言