切蛋糕時間到啦，其實呢款新出既thomas蛋糕，係我話比表姐知架，仲諗住送比諾諾，咁就最實用啦；點知表姐最後話表姐夫預備喎，我估其實係佢地唔想我地太破費啫，但我冇堅持買到，有點後悔呢！
一齊唱生日歌～～
吹蠟燭，睇下諾諾個咀嘟到．．．哈哈！
切蛋糕～～
表姐全家福：
到我地全家福：
跟住特別環節，表姐安排左呢舊掛係天花既野，大家估唔估到係咩黎呢？其實一"炆"ｄ繩，開口就會打開，入面會跌出事先放入去既糖果呀小禮物咁，好得意架！
糖果小禮物等隨住紙碎隨天而降，小朋友即刻係咁執係咁執，莫講話小朋友丫，我地大朋友都係咁執係咁執！
呢ｄ姣登登既珠二繩，係我地搵比凱玲BB架！一執到即刻戴晒係佢身上，女仔BB既好處就係可任意幫佢扮靚靚喇！嘻嘻～～凱玲BB本身得意，戴咩上身都變得攪笑可愛，睇佢肥嘟嘟ｄ手指仔，好想咬佢一啖呀！
跟住我地放cars上佢身上，出奇地似楂車，比起插係身度仲攪笑呢！
但凱玲BB有ｄ驚，係咁求救．．．
一拎開cars又冇事啦，自得其樂繼續玩電話！我想講，部電話係叔叔架，比凱玲BB玩左好耐，睇叔叔幾鍾意佢丫！
生日會大約六點開始清場，執野其間，我同太陽哥哥用ｄ波圍住諾諾，整左個波波池比佢玩！
先起個邊先：
跟住係咁放ｄ波波入去：
諾諾都講：波波池！
滿晒啦，係咪好勁呢？
試下放凱玲BB落去，佢好驚呀！哈哈～～
呢ｄ咁靚既氣球佈置，唔捨得丟呀，我地就一齊幫手拎返姑媽屋企！
休息一陣後，我地七點半就出發去第一城食飯，淨係親戚同表姐好友albe先有份架！嘻嘻～～
呢晚最正係有焗蠔同大閘蟹食，好豐富呀！
太陽哥哥因為要同victor佢地食飯，食完先join我地，手楂呢兩款小氣球，係小丑姨姨送比全場既小朋友架，我地都拎左份！嘻嘻～～
琪琪未單獨同諾諾影相，宜家後補影返～～
最後送上凱玲BB既短片，好攪笑架！
沒有留言:
張貼留言