宜家係二零零九年十月五日星期一，上午九點四五分，要好好記低呢個時刻，因為間屋今日開工動土啦！因為今日開始，所以拎左日假係屋企留守！
總算要清既都清晒，有ｄ冇辦法，實在冇地方安置，要留係屋企中間，見到呢個景象，忍唔住要影低個"整屋前"！望住呢間屋，已經覺得同之前好唔同，結婚前個晚我先同ｄ姊妹係度開會同訓覺，宜家已經變左一間吉屋咁滯．．．梗係啦，執到我地死死下呀！
唔好講同結婚前好唔同，即使比較起尋晚都好唔同：
梗係啦，尋晚我地攪到成凌晨兩點先訓呀！慘～～
細房：
大房：
廚房好乾淨呀！
尋晚既廚房仍然好混亂，宜家就好似變魔術咁攪掂晒，好有滿足感呀，因為廚房係我負責架！呵呵～～
大門一關，總算攪掂一樣野，雖然仲有好多野未攪，但心情總算舒一口氣，期待整屋後既新面貌！以前攪裝修，咩都係媽咪負責，大家都係聽佢指揮；今次，咩都自己上身，師傅有咩事會打比我，管理處有咩又係搵我，有咩決定又係打黎問我．．．其實真係好煩架，我都唔太鐘意做呢ｄ角色！但另一方面，又有種我已經係人太太既感覺，有自己既家庭啦咁．．．您話幾矛盾丫！
跟住等師傅黎到，再講清楚有咩要佢整，佢就開始拜神／拜四角啦！我仲封左開工利是比佢同油牆個位師傅呀！結左婚後好似成日要派利是咁既？連中秋過節都有比父母呀，真係有種大個女既感覺！
中午約左表姐同諾諾飲茶，都係今朝臨時約既，表姐即刻出黎！諾諾係度玩煮ABC：
諾諾成日對住我ｅ起棚牙，然後叫我影相！
跟住諾諾要玩我部電話，玩玩下我開左太陽哥哥張相出黎，問佢邊個黎架？點知諾諾真係認得呀，仲叫sunny哥哥！跟住我問諾諾太陽哥哥係度做咩，諾諾就扮佢豬咀啦！真係好叻仔呀！
沒有留言:
張貼留言