今日係正日中秋，祝大家中秋節快樂！真係發覺自己已再不後生，以前一到中秋，一定同朋友們出去玩餐飽、賞月咁，最鍾意去沙灘！宜家都冇晒呢ｄ活動，加上星期一要開始整屋，今日都係好簡單咁過！
我地本身諗住去金潮小廚度食架，因為媽咪鍾意丫麻；個度一向冇得訂位，咁諗住五點半去到食早ｄ啦，點知去到已經滿晒，仲話下一轉要八點半．．．呆左～～～我地就求其上樓上間酒樓食算啦！因為表姐今晚同奶奶個邊食八九點，中間冇野做，我叫佢地一齊黎，食少少，咁咪可以當一齊過節，又可同諾諾玩下！
第一碟上蝦，諾諾坐我隔離，我就比左隻蝦佢楂住，佢開頭驚架，縮一縮，個樣好攪笑！
後尾又唔驚，仲楂住係度swing，跟住就玩得好開心喇！哈哈～～
今晚一共八個人一齊做節，幾好意頭丫！
我地食左．．．
諾諾宜家都唔抗拒太陽哥哥啦，會肯比佢掂同攬住一齊玩，一齊影相都冇問題！
最開心係，諾諾識叫太陽哥哥個sunny哥哥呀！最開心係呢樣，太陽哥哥聽到都勁開心同冧呀！！
叫諾諾錫sunny哥哥，又肯～～
跟住開始貪玩啦，用個板隔住咁錫太陽哥哥，好盞鬼，亦開始睇到諾諾越來越越鬼馬同古靈精怪呢！
諾諾一向唔黐琪琪，今日好意外地又肯同琪琪影相喎！
仲四萬咁口咁笑～～
錫埋面珠登添～～
錫完自己拍手，琪琪梗係最開心啦！
同恩恩一向唔同ｄ，錫下梗係冇問題～～
但要錫埋咀咀喎，都一樣OK！
食完飯後，就即刻返屋企，繼續執拾大行動，要聽晚清晒ｄ野，所以趁今晚搬定ｄ大件野過媽咪間屋先！兩個壯男一齊搬梳化+ing：
個廳即刻吉左好多．．．
太陽哥哥好努力咁封冷氣機，仲有全屋ｄ櫃，有排封．．．
呢ｄ都要等待移走．．．攪掂完成個人都散晒．．．好攰．．．好想快ｄ完成呢個大project！
沒有留言:
張貼留言