呢對公仔係hand-made架，係同事Glos親手造比我既結婚禮物！其實九月尾我放完結婚假返去就收到，不過今日先同大家分享返！收到呢份禮物當然好意外啦，因為Glos都有黎飲架，我冇諗過另外仲有禮物收，好少朋友又黎捧場又比人情又送禮物，真係好有心呀！
聽Glos講，其實佢係我結婚前已造左一對，諗住結婚當日帶黎送比我，但造完覺得唔靚，因為佢未見過太陽哥哥，唔知佢咩樣，好難想像(好藝術家feel呀!!)．．．到結婚當天見過真人，加上我地個場咁多太陽哥哥作品，Glos就揀左我地對易拉架公仔，影返張相，返去再造過一對！
都真係好似呀！勁勁勁～～～
Glos話呢種物料叫"輕黏土"，好輕好易handle喎，但我都係覺得超難整囉．．．Glos整ｄ頭髮都造得好仔細呀，一條一條咁整，真係好勁呀！
後面都一樣～～
有冇留意，我個"鬆"都好勁呀？哈哈哈哈～～～Glos特登攪笑ｄ既，佢話留意到太陽哥哥畫我個ｄ公仔，全部都好勁下架，佢都係照跟啫！
沒有留言:
張貼留言