今日我地北上，去深圳造窗簾呀！開頭太陽哥哥約我今日，我以為佢唔開工成日咁上去，仲話我知約埋raymond食飯，點知佢計劃係開完工先上去；咁如果要即日拎埋，好趕下喎．．．於是我就叫細妹先陪我上去，媽咪知道後，又話想上去行下，跟住媽咪ｄ朋友知道後，又話想一齊睇下．．．如是者，我地一班女人就先上去啦！
過左關後搭地鐵去東門，約左raymond四點係Ｍ記等，跟住佢就帶我地去整窗簾啦！raymond真係唔話得，原先係幫我，點知要臨時幫埋我媽咪同auntie們，仲幫媽咪度尺寸同講價，攪左幾鬼耐，因為我地香港用開吋，但大陸個邊用米，所以要轉換咁計，都幾麻煩！raymond又踎底埋咁度ｄ布，好落力，佢同我講笑話佢似我媽咪個仔多過我似佢個女喎！哈哈～～
我其實就係知自己揀唔到野，先拉埋細妹上黎陪我揀，不過唔關我事呀，有琪琪係度，我地都扑唔到鎚，唔敢．．．媽咪同auntie們攪掂後都六點啦，太陽哥哥都趕緊黎，預計六點半到，只係半個鐘，我就決定揀好幾款，等太陽哥哥一到就比佢揀，我地就畫定圖先！
太陽哥哥到達後，媽咪同auntie們就走先，佢地返羅湖商業城行街食飯，我地就留係東門等拎貨同埋同raymond食飯！
影下相先～～
影完第一張相，細妹問：咦．．．您地今日算唔算情侶裝呀？望真ｄ，又係喎，一齊都係白兔喎！哈哈～～
我地要造三趟窗簾，兩間房＋廳入廚房通道；呢三匹就係我地揀既布喇，呢匹我一黎就揀中，廳入廚房通道：
兩間房都係太陽哥哥揀既，花花係我地間房：
我同細妹都幾鐘意ｄ小朋友圖案，但又唔敢扑鎚，怕太陽哥哥會嫌低Ｂ得滯，所以事前揀定幾款比太陽哥哥揀，入佢數！哈哈～～佢係眾多款之中，揀左呢款黃色布做書房．．．撞返盞黃色波波燈，都唔錯丫！試下低Ｂ少少都唔怕啦，書房啫；反正三趟窗簾加埋窗簾棍只係五百蚊，好抵呀！上開黎造多塊容咩易丫！嘻嘻～～
同display影相～～
黃布冇display，擺明好少人揀呢款做窗簾啦！哈哈～～琪琪就用剪好左匹布，叫太陽哥哥放上身影張相：
Raymond都玩埋一份，叫太陽哥哥咁樣疊住，扮和尚咁喎！哈哈～～
兩兄弟咁耐冇見，影返張正經相啦～～
鋪頭個女仔，大陸人黎講都算幾smart啦，起碼識米同吋對換，唔洗我地自己用計數機計！
跟住等起貨，有一個半鐘時間，我地就去左樂園路食海鮮：
百事黨：
王老吉黨
：
細妹話宜家香港冇得飲王老吉啦，上黎要飲喎！
我地四個人咋，不過都叫左好多野食，因為好抵食呀！
基圍蝦勁大隻，只係$48斤！
食完飯都九點啦，拎埋ｄ窗簾，係東門行左陣，因為要趕住返羅湖會合媽咪，實在太少時間shopping啦，我仲有好多野想睇呢！所以話呢，上深圳真係要預半日呀！
好在媽咪好醒咁比左架手拉車我，咁先唔洗咁重咁用手拎；太陽哥哥負責拉車，raymond幫手拎窗簾棍，女仔負責跟住行同影相！哈哈～～
拎窗簾時的笑話 1：兩間房既窗簾諗住整冷氣位，但check貨時都冇開到窿？！佢話我地問左價但冇話整，所以唔知，冇落單話開冷氣位，Ｏ晒咀．．．要等下次黎先拎到啦，頂～～無辦法啦，唯有帶走一半．．．
拎窗簾時的笑話 2：黃色塊布上下調轉左咁車，即係成個窗簾個花倒轉左．．．Ｏ晒咀again．．．跟住笑爆咀！好快咁轉出哈哈哈哈哈哈的大笑聲～～～～～～
再一次證實，係大陸買野的確係好平同好抵，不過大陸人個腦．．．轉數又真係幾慢，好少好似raymond咁醒；汲取左經驗，下次買野會叮囑叮囑再叮囑，長氣ｄ咁檢查一次佢寫低ｄ咩先得！
沒有留言:
張貼留言