今日係諾諾既兩歲生日派對，恭喜恭喜！
今日好開心呀，因為太陽哥哥無楂車，係結婚後第一次假日唔返工呢！假日訓醒張開眼見到佢係隔離，少見＋開心～～ 今日行程非常緊密，起身後同媽咪威哥食早餐，跟住去左翠怡夜冷店睇書檯書櫃，個度原來有成兩三層，好大好多貨以供選擇，可惜我唔記得影相．．．睇左成個鐘後，我地決定要了張長書檯＋大書櫃，埋單一千蚊咋，比起訂造只係六分一價錢！雖然冇咁美觀，書房會變得有點寫字樓feel，但ｄ檯櫃一來真係好新，二來只係一千蚊，第時有咩變動都唔可惜，三來真係fit到我地間房既size，放得落我地既雜物都好重要！攪埋書房，過多兩個禮物送埋個電視櫃黎，間屋真係攪掂啦，只欠煮食爐，快啦快啦～Yeah～～ 跟住出左荃灣，媽咪帶我地睇鏡櫃，已有心選，但想再格下價先，就過埋千色店，點知去到千色店又冇咩款式，又懶得行返轉頭，所以冇買住．．．反而去左shopping小朋友野，先買左個thomas小背囊比諾諾，我驚佢唔鍾意對公仔呀，而隻CD，佢根本都唔知咩黎啦，我唔想送野比佢時佢唔鍾意，好hurt架麻，就買多個thomas背囊仔，咁佢實知咩黎，同埋我肯定佢會鍾意囉！就係咁，預備左三樣生日禮物比諾諾！ 另外，去了crocs買了對最細碼既BB size kitty鞋仔，諗住送比凱玲，佢八月一歲生日時都未送野比佢，因為佢今日都黎諾諾既派對呀！對鞋仔好鬼cute架～～ 琪琪份禮物： 我地去到姑媽屋企，一放低野就要幫手做運輸啦，就係運ｄ食物同物資過clubhouse，雖然係同一個屋苑，但原來瑞峰1-3座係係另一邊．．．我地捧住ｄ食物運黎運去，覺得好攪笑呢！
去到今日clubhouse，ｄ佈置已經ready啦，好靚呀！我即刻諗起我結婚個日ｄ氣球佈置！哈哈～～
Party table 陸續放上餐具同食物：
仲有諾諾既壽星仔襟章：
跟住見到諾諾啦，小丑姨姨用氣球整左反斗車王架車比佢呀！好勁呀～～我地叫諾諾做過２(兩歲手勢)，佢唔識就兩個１啦！哈哈～～
梗係要同恩恩影相先啦～～
兩歲啦，大個仔啦～～
跟住叔叔同琪琪都影，叔叔仲捉住諾諾ｄ手指仔做左個２手勢！
(留意：諾諾另一隻手不協調+ing，好攪笑～～)
做完諾諾自己都忍唔住冚住塊面笑！哈哈～～
壽星仔係咁收禮物，份份都同佢高度差唔多！
太陽哥哥帶黎個個係邊個黎架？就係Victor同Gigi個囡 - 凱玲BB喇！不過我成日叫諾諾叫凱玲BB做玲玲，諾諾都冇咩反應，只係指住佢叫baby咋！哈哈～～
凱玲BB係一個好可愛既肥嘟嘟BB：
一叫佢笑，佢就會自動瞇埋雙眼整個笑樣出黎架！超攪野～～
個樣好嗲呀～～
凱玲BB仲好鍾意玩電話～～
我地玩得好開心既時候，發現太陽哥哥同victor係後面．．．
zoom埋去先．．．點知被發現．．．
凱玲BB太可愛，有兩個囝既叔叔一向恨生女，成日攬住佢玩，佢又肯被叔叔抱喎，勁！
又做"笑"啦～～
媽咪又抱～～
一眾小朋友係度睇小丑姨姨表演～～
壽星仔諾諾做小丑姨姨既助手～～
原來小丑姨姨做緊個公仔氣球比諾諾呀，估下咩黎．．．
原來係一個水泡，大家開心到拍晒手！
小丑姨姨好勁，除左識整水泡外，仲識整王子、公主、消防員等等，真係嘆為觀止！
沒有留言:
張貼留言