今日係萬聖節，係度祝大家有個刺激既scary night！我就大個女啦，冇咩鬼怪野玩，但今日schedule都好full好tight呢！起身梗係要醫肚，我地又去萬豪食buffet呀，今次食JW's California既lunch buffet，因為太陽哥哥要楂車，就得我＋媽咪＋琪琪＋威哥！
呢個餐廳我第一次黎，環境非常唔錯，我地仲坐窗口位，成塊落地玻璃，好正呀！
聽姑媽講，呢間JW's California既lunch buffet，係好食過我同太陽哥哥係Marriott Cafe食既dinner buffet架，因為勁多海鮮同刺生，拎野食時真係見到勁多呀！lunch buffet都誇成咁，食到好似晚餐咁，唔怪之同dinner buffet既價錢差唔多，真係多謝姑媽叔叔比左個買一送一quota我地呢！
先攻海鮮～～我今次食左八隻生蠔＋一整隻龍蝦，仲有青口同長腳蟹等等，今日有長腳蟹，反而星期三晚同太陽哥哥食冇，佢仲好唔開心呢，比佢知道今日我地有得食長腳蟹，實激死佢呢！
呢度ｄ魚生好多，岩晒鍾意食魚生既朋友！可惜貝殼類只得赤貝同帶子岩我，冇個ｄ八爪魚北寄貝咁，係呢度差少少，唔係我仲開心！我食左好多好多片赤貝呀，十幾廿片都有，好正好好味呀！任食任添，反而星期三個晚同太陽哥哥食，好快就冇晒呢！
威哥黎到最唔開心，因為全部都係生野，冇野岩佢食，只得龍蝦勉強佢食到．．．食到中途，媽咪發覺隔離檯有ｄ燒物，就好奇怪啦．．．原來檯面有張紙，係以剔既形式落order，全部都係燒物黎架！威哥如獲至寶，即刻狂剔，所以就有咁大盤燒物喇！
呢ｄ鐵板燒物都好正呀，成隻龍蝦咁燒，不過我最鍾意係牛扒同銀雪魚，勁好味，仲encore再encore呢！不過就係因為食燒物都食左咁多，變相海鮮刺生食少了！
甜品有成十幾款，但我已經好飽了，今次食得冇晒策略，失敗！
雪糕係成杯Haagen-Danzs咁上，真係好想有個旅行雪箱，一杯杯咁裝走拎返屋企呀！哈哈～～
餐飲都好大杯．．．媽咪話未飲過咁大杯既熱檸茶架！
媽咪楂住既係個糖壺好別致，一按，糖就會係下面漏出黎～～
細妹杯凍檸茶都勁大杯，睇佢飲得幾滋味！
跟住係扮野時間，琪琪比左佢幅超威哥戴，叫佢扮model！襯上呢個髮型，都有少少古仔feel丫！嘻嘻～～
合照時間～～
到我同威哥啦，等我地擺下model pose先～～
睇呢張我幾英～～
三姐弟自拍，一係就琪琪懞，一係我懞．．．激死～～
媽咪去完廁所出黎加入～～
最後係門口又影～～
食完buffet後，琪琪同威哥有自己節目，我就因為要等太陽哥哥放工，就陪媽咪落尖沙咀開茶會！
同行既有姑媽、Auntie Florence & Auntie Stella，姑丈只係同我一樣做陪客，陪姑媽開茶會！
四位團友都好比心機上堂喎～～
姑丈就．．．哈哈！！
佢地參加既團就係呢個立山黑部既地方，聽聞係新景點黎架，有日本阿爾卑斯山之稱！勁～～不過係開完茶會既時候，我收到一個壞消息，就係我地個南非團唔成團呀！
點算呢．．．
開完茶會媽咪就返屋企休息，我就會合太陽哥哥，先去旅行社拎ｄ資料，睇下我地要改去ｄ咩地方．．．之後又要去快富街啦，買廁所水喉、燈膽、門磁石腳、掛衣架等．．．最開心係潮流特區買左個型鐘，我勁鍾意呢！
太陽哥哥話好耐冇食泰妃雞，見佢咁掛住，就係泰妃雞食晚餐啦！不過由於我餐buffet都仲未落格，我地只係叫左一碟雞飯同炒左碟菜，我食少少咋！
今個萬聖節我由朝早十一點踩到夜晚九點，好攰好眼訓呢！宜家最煩係兩星期後，我地個假期究竟去邊好呢？？？
