今日覆診，先去照x-ray，之後就睇醫生，醫生話今日可以拆針，不過佢再強調，支針最重要留係度既時間已經過左，放得耐會驚針窿發炎，越耐發炎機會越大，所以差不多拆得就會拆；但拆唔代表舊骨生好晒，拆係因為舊骨有佢初步既穩固性，好似將兩樣野搽左漿糊咁，宜家漿糊開始乾，唔會一掂就甩出黎；但係又未乾晒，即係唔係話完全點踩佢，任郁都唔怕，所以只可以行路，唔可以跑同跳咁．．．現階段只可著人字拖，唔可以著任何鞋，甚至波鞋，因為鞋大部份都係密頭兼前頭會修，最好減少箍到／挾住側邊！
以下係拆針過程，唔算恐怖，大家可睇睇：
http://video.yahoo.com/video/play?vid=654705
拆針後姑娘比左個樽仔我，等我keep返支針留念，有冇人想要？開始拍賣，插過入靚女GIVENS腳骨入面一個月既手術針，底價一千蚊，每口價五百，請開價！哈哈！
一返屋企就忍唔住去洗腳，洗下周圍；到沖涼時就大洗，當然包好左防水膠布先，但好多地方都可以濕水，好開心，捽左好多死皮，隻腳變返香噴噴啦！不過最驚人係甩左好多皮，就好似夏天晒親跟住甩皮咁，可能包住成個月變晒死皮啦！
搣左好多皮呀，估唔到都幾大膽，開頭諗住驚痛都唔敢亂搣，但搣搣下搣左咁多，有好大塊，亦有好細塊．．．
特別鳴謝太陽哥哥今日請假陪我覆診，等我係拆針時壯一壯膽同幫我拍短片！
沒有留言:
張貼留言