今日媽咪放工晏咗，話唔煮飯，出去葵芳食，我就又可以去行下唔使咁悶，去到第一樣係幫耳骨的耳環換過支粗針，事緣做手術前除晒ｄ耳環，跟住上星期先得閒路經葵芳叫個老闆幫我戴返，因為耳骨隻耳環我一向戴唔到，打時用幼針，個窿好細，自己戴成日戴到流晒血都搵唔到個窿；但上星期去到，竟然連老闆都話搵唔到個窿，最後佢係叫我忍住痛，佢大力ｄ先穿返個窿，佢話應該係ｄ面皮埋左口，個窿就係入面，佢叫我戴返一個禮拜，冇事就換支粗針戴，"賺"大ｄ個耳窿，咁就唔會咁易埋口啦！
跟住我地去左鄧媽媽餃子館食飯，都幾好味，因為有我鐘意食的餃！蠔仔粥好味，個麻辣雞咪線又好開胃！
係櫃檯收錢既係一個中年男人，埋單時我就問佢：您係咪鄧爸爸呀？佢話：唔係呀，鄧爸爸係屋企呀！我就問：咁．．．您係咪鄧仔仔呢？哈哈！佢就笑騎騎話：係呀係呀！
真係攪笑，不過太陽哥哥實話我又撩男仔同惹蚊了！嘻嘻！
沒有留言:
張貼留言