2007-06-05 華仔自己縫出來的公仔

以下係我响偶像華仔的華仔天地討論區extract出黎，佢拍戲時自己縫下縫下，就縫咗仔公仔出黎，連針線都曉，真係好MAN好型好好男人呀，好型的裁縫呀~~暈啦~~

ｄ相全部都係佢自己加工，再post上黎，等佢ｄ粉絲知道佢既近況，好攪笑架！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我是一隻....？

2007年5月11日...我媽咪一時手痕把我製造出來
據說，我是由一舊海綿爆出來的...

我媽媽11日上午，不知何處拾來一大塊海綿

於是佢開始手痕不停 剪剪剪剪........






然後又不停 縫縫縫縫縫...


不停 連呀連連連呀連......

又釘呀，釘釘釘釘釘釘釘..........

經過佢不眠不休咁不停縫、連、釘之下

5月12號，我開始成形...


然後…我成功地被我阿媽製造出來......


係呀，我媽咪係一個男人....

至於我，究竟係男定女呢，佢話 :「唔知呀！」


我出世之後，先知我媽咪原來係一個大明星

媽咪係我出世o既地方拍戲....
呢度又熱又晒，由鏡頭望過去........嘩~~~一望無際都唔知係咩....

重有好多怪獸...


我話我都想拍戲o番....我媽咪話咁要著番條褲先上鏡



阿媽話...呢條 T BACK .....係用來做替身吊威也用





唔係ah faaaaaaaaaaaaaaa




嚇死我~~~做明星咁辛苦，咪搞我

我今日先出世，就跟著我媽咪捱足一日啦....
究竟呢度係邊度？唔通係印度？點解咁鬼熱架.....

收工後，媽咪同我講左好多野...
佢話第日大個做唔做明星唔緊要，做緊要係孝順父母.......

今日係母親節 我問媽咪，「咁你個媽咪又係邊度呢？」
佢話 : 香港囉
我話 : 咁不如打個電話俾佢啦...好似今日係母親節

佢話 下？半夜三更打個電話過婆婆？你夠膽你咪試下


「喂？」
「唔該阿婆婆.....」


「邊個呀？」
「我...我未有名喎....我我我我，我係劉德華個bb囉」
「打錯呀！細路咪再半夜三更玩電話！唔係我報警架！」
「下？我我我...婆婆婆...」
「婆你個頭！dododododo...............」


阿婆婆收左線........
又係o既...點會知我係乜水呢？連我自己都未知自己係咩.....

咁唯有.......係呢度同佢講啦