今日去左睇優先場，其實尋日想睇，只係爆晒，就買左今日！我覺得唔錯，我本身又好鐘意劉若英啦，繼"生日快樂"後，對呢套戲都好期待，佢真係好靚，皮膚好白呀，好羨慕！
最感動係劉若英同張智霖兩公婆個仔被綁左，佢地剖白個幕，男問女：知唔知我地當初點解要離婚？女話：因為我唔想同您日日鬧交．．．男話：唔係，係您成日咩都好獨立，唔使依賴我，咩都自己一個扛上身，凌晨起身去返早，晨早返黎若無其事，整早餐，湊個仔返學，以為我唔知，其實我係知道！但今次，我唔會比您自己一個扛，個仔我同您都有份，就等我地一齊去面對！
劉好掛住自己個仔，打去留言聽個仔把聲，跟住喊到面都會抽動，佢真係面上每條神經同血管都識做戲呀！
劉又自己亂黎，鎖住張，自己一個行動，當時我心諗，又係咁？呢下做錯晒，有咩事，段婚姻真係挽唔返．．．劉犯左好多人的通病，有咩都自己啃晒，其實，大家有商有量係咪好ｄ呢？唔係咩叫夫婦？有夫又有婦麻！尤其是男人要面，幾叻的女強人都好，都要做返人地老婆既身份，拎返女人溫柔個一面出黎．．．
劉的下屬問佢，點解您同下屬樣樣野都可以攤開黎講，同老公就傾唔到兩句？劉就話：同您地可以有商有量，同老公就永遠傾唔埋爛！佢下屬就話佢：錯，其實係您知佢係您屋企人，知道無論做咩都好，佢都會原諒您，所以您先放肆之麻！呢句真係好岩，又係時下好多人犯得最多的錯誤，包括我自己．．．對朋友，外人，永遠都好過屋企人，心情唔好，發脾氣，語氣差，大部份都係最親的屋企人受晒．．．就好似戲話齋，其實係咪越close，就會越令人唔識珍惜呢？呢樣野真係要好值得反省一下！
最尾，好好的結局，令人滿意的ending．．．
沒有留言:
張貼留言