因為約左玲玲一家去赤柱食慶生飯，所以今日要接受挑戰，就係單拖楂車過海接太陽哥哥，再入赤柱！擔心左兩日，好左都順順利利，都要多得太陽哥哥既細心路線圖！
去紅隧時真係塞左好耐．．．
去紅隧時真係塞左好耐．．．
接左太陽哥哥後，因為時間尚早，去左灣仔泊咪錶半小時，行下日本城同大眾書局，跟住太陽哥哥指導住我經香港仔隧道入赤柱，唔難丫！但我諗過兩日我又唔記得左條路點行了，哈哈！
早左到，兜左去墳場個邊，幫架叮噹車影下相，出左車成個星期都未影過！
跟住會合玲玲一家食越南野慶祝玲玲生日！
食完飯再去太古城反斗城，玲玲揀生日禮物呀，睇佢幾開心！
沒有留言:
張貼留言