太陽家新成員 - Our Car!
今日我同太陽哥哥都請了一日假攪手續, 先去土瓜灣興仁街搵南哥上架驗車, 南哥話架車好靚仔喎, 雖然貴左少少, 但人地都要賺錢既, 南哥真係好好人, 冇收我地錢! 跟住過隔離萬事得政府驗車, 驗車費$530賣家比; 驗車一過, 我即刻打去direct asia 出牌保, 好左上星期做晒工夫, 比晒資料; 其實格左三間, 另外係中國平安同教協聯誠, 都係direct asia 最抵, 加埋細妹做named driver先係$19xx! 等出牌保期間, 過緊觀塘運輸署攪轉名同出牌費, 一切手續辦妥後, 交錢, 成交!
跟住入中大, 一來試定車聽日楂返工, 二來出埋職員泊車證, 咁就全天候泊車唔洗錢! 太陽哥哥仲好好奇咁, 急不及待試下將後座車座全部收埋, 真係好寬敞, 成個洗衣機都放得落呢!
帶太陽哥哥食下午茶, 佢話d雞脾又抵又好味, 10.5隻, 出面真係食唔到!
即興約表姐今晚去火炭食雞粥乳鴿, 但要八點幾等小朋友訓晒先出到; 我地就泊架車係中大, 搭火車去旺角新世紀睇場戲先! 睇左聽風者, 但我太攰, 訓左半個鐘! 嘻嘻~~
好難得同表姐兩pair食飯, 今日真係超級開心的一天呢!
沒有留言:
張貼留言