同事Michele帶回來的泰國手信，好豐富呀！
另外還有私人手信，一見到，勁意外！點解去泰國會有日本手信既？仲要係我既favourite flavor cheese curry杯麵，還有未試過的日清冬蔭功味杯麵！
呢款cheese curry杯麵香港係冇得買架，平時都係搭去日本的朋友買返黎，宜家知道泰國都有得買，咁易搵人買好多呀！各位朋友去開泰國，記得幫我買呀！係central隔離伊勢丹的supermarket入面有售，多多都要呀，唔該晒！
原裝日本入口，黎到泰國時再加左張招紙！
今晚Tony約好Jacky幫我慶祝生日，宜家仲有小學同學對我咁有心，真係好難得！Jacky仲係中大同我一齊搭職巴去葵芳，我地全部係青衣人，食飯都係葵青區方便ｄ！
因為食完要去
Jacky屋企睇結婚video同honeymoon相，我地就快快揀左係和民食！無錯，又係和民．．．不過唔係我揀架，係Jacky揀架咋！
影完獨照就到合照，不過兩位男士對影相都冇咩興趣．．．
馬仔同和民合作．．．我開始儲印花呀，唔要既朋友，記得比埋我呀！
係Jacky屋企睇honeymoon相，佢地自由行東京＋北海道九天，一路睇，我反而諗返一年前我同太陽哥哥去個時既情景！我地當時用既錢，同Jacky今次差唔多，去既日數仲一樣添；原來個次的trip，已經比得上一次honeymoon架啦！不過反而我覺得我地跟團，去既地方多佢地好多呢；起碼滑左日雪同玩左日雪上電單車，但Jacky就齋行街咁，睇相就見佢地成日食雪糕同睇夜景，餐餐食日本野食到好悶喎．．．懶惰既我，都係鍾意跟旅行團多ｄ，尤其是咁凍既天氣，有旅遊巴坐好過係街度捱凍呢，哈哈！
估唔到Tony會送我生日禮物，仲係一對添，佢話記得我上年話佢點解淨係送一隻唔係一對喎！真係好記性，估唔到佢都幾細心，繼續努力啦，您越來越gentleman啦！
沒有留言:
張貼留言