今日係我同太陽哥哥既30個月紀念日，由於今日太陽爸媽去完旅行返香港，我地要幫手拎行李，所以我地係前日已食飯慶祝，今日放工就去左睇"新娘愛鬥大"，我前排睇trailer時已覺得呢套戲好攪笑同想睇啦！
睇後感係覺得好好睇呀，又有勁爆笑既位，又有好感動既位！片中的友情，真係睇到我好感動，亦諗起身邊的朋友，睇到流馬尿呢！所以我好推介大家去睇下，笑一餐又得，去反思下自己身邊的友誼亦得！
仲未睇華仔呀，因為broadway冇大院做，得返GH先有；但今日星期五，AE係broadway睇戲有買一送一，梗係揀broadway啦！不過唔緊要，已決定下星期三我生日正日去GH睇華仔啦！
成龍大哥四月的新片，太陽哥哥睇到眼定定！佢仲成日間唔中 msn send d 網址過黎，點知我一打開．．．係介紹大哥呀、新宿事件trailer呀咁，等我中晒招啦，shit！
我就鍾意大口姐姐，佢係我第一個鍾意既外國女演員；不過未聽過呢套係咩片，但stealing a fortune喎，應該好緊張，唔通係探險戲？
睇完戲後，原本想去朗豪坊試吳彥祖有份投資既monster sushi架，但等到成十點都等唔到位，唯有放棄啦，因為我地要趕返去幫手拎行李！
以下既野食就係太陽爸媽拎返黎架，我最鍾意食係大蝦同芒果！
我死都唔會食既鴨仔蛋，仲話宜家係第十幾日．．．oh my god！太陽大哥哥勁鍾意食架，全部佢拎晒咁滯，只係留返兩隻比太陽爸爸咋！好彩太陽哥哥都唔食呢ｄ野啫，唔係咪死旨意我會再錫佢個咀！哈哈！
呢ｄ係太陽家族都鍾意食既，但我就覺得好普通，冇咩特別！
沒有留言:
張貼留言