左腳跟又發炎呀，尋晚出街feel到有小小扯住，點知今日凌晨時分痛醒左，四點開始，痛下醒下訓下咁到朝早，即刻call醫生攝個時間比我，因為行得好慢，唯有就一個鍾先一班去clinic的富貴巴，九點趕唔切，就約左十點！
我早左到，係火車站坐左二十分鐘．．．走左既同事，可能未見過呢個火車站對出的新外貌呢！早上空氣清新，坐係度其實都幾舒服！
右邊起緊個幢樓，係我地未來商學院building，2010落成，到時我地就要搬落黎返工啦；隔離已起好個幢就係新落成既酒店，HYATT黎架！
冇野做就影低發炎的腳踭．．．
左邊大右邊好多呢．．．
醫生check返上一次發炎時，剛剛係四個月前，exactly十月廿三日，好邪呀！同上次一樣，要驗血、包紮；上次驗血後，其實check左尿酸我係比標準高少少，又冇超標，所以醫生一路唔認同係痛風，雖然病徵勁相似，但我太後生啦喎；但醫生話四個月痛一次算密(其實我覺得唔係好密啫!!)，佢個point係，宜家一年三次，點知第時會唔會更多？(咁又make sense既......) 所以佢都好想知究竟係咩事，所以佢建議：今次係發作中抽血，要好返無痛下都抽多次血，約三星期後，係正常情況下驗多次，如果尿酸係低過"標準高少少"個位好多，咁可能我真係痛風喎．．．
醫生比左上次好勁個隻藥我，粉藍粉紅襯到絕個隻呢，我記得止痛好勁架，great！不過次次都係，一食完個頭會暈暈地！其實醫生比左兩日假我，叫我即走，問我咁點行喎．．．但我點走丫，唯有返公司做野等放工搭職巴仲好啦，況且我真係好忙，有好野要整呀！
沒有留言:
張貼留言