2009-02-11 (Wed) My 2009 Birthday (上)

 

 

 

今日生日正日，我同太陽哥哥都請左假，借了BEN的車遊車河！今日行程相當緊密，BEN大概十點交左車比我地，由我楂車直駛青衣．．．

倒後鏡的我，COOL~~

返青衣因為約了媽咪食早餐，三十年前，佢咁辛苦生我出黎，咁偉大既任務，我生日當然要見一見佢啦！

跟住出尖沙咀，太陽哥哥諗住係新太陽個頭泊車架，但醒目既我介紹左佢泊係金馬倫道通利出面既錶位，唔係等左好耐就有位啦，唔知係咪生日夠旺呢！

出黎尖沙咀係因為要去半島tiffany揀禮物，因為我冇咩特別野想要，我冇野想要時，太陽哥哥就通常叫我係tiffany揀架啦，今次又買左戒指呢！

揀完禮物就入左石澳，有車梗係去ｄ難去到既地方啦！原本太陽哥哥話去赤柱，但個度行街多，冇咩特別；我就提議去石澳，因為原來太陽哥哥唔知石澳除左個個沙灘外，仲有個好靚既石灘架！一於等我帶佢去見識下啦，經過好多好窄既彎路就到達目的地喇！

兩旁都有好多靚屋呢！

就係呢個石灘啦，我以前自己楂車都黎過幾次架；呢度唔係太多人識黎，好多戲都係度拍架，不過近年都好多人黎影婚紗相，我地今日都見到三對！

另外我好鍾意呢條橋，係我喜愛的粉藍色，事隔多年都冇變色呢！

影左好多好多相，扮看海，哈哈！

crazy time 到啦：

扮下新人擺甫士先，哈哈~~

呢墻石牆都幾靚丫！

 

回程時又有新人黎啦，仲見到一隊crew拍攝新車特輯添，呢度今日好旺場噃！

跟住楂返車落石澳沙灘，又影下相先！

行去同ｄcolour屋仔影相先：

又見有新人啦，究竟影婚紗相時好唔好黎呢度呢？好似好多人黎影過咁，但我又真係好鍾意colourful既background喎！