屈臣氏前排推出既芝麻街 tissue，包含左我本身好鍾意的兩個原素：Ｑ版＋粉彩畫！係咪好cutie呢？michele知我應該鐘意，show左比我睇，我行過屈臣氏就即刻掃左四十包啦，哈哈！
我本身都鐘情一ｄ靚靚紙巾架，好似以下呢ｄ咁，咁當然都要價錢平先會考慮啦！呢次的 sesame street 實屬勁靚之作，更加唔會放過啦！話說$12.9一條，但個日我買時，係另一個位，見到有$9.9一條，明智既消費者梗係會拎$9.9一條個ｄ架啦；去到過機時一beep，出左$12.9，我就同收銀姐姐講話見到係$9.9，佢地check左原來係上手唔記得換返好，應該係$12.9架，但因為我已經見到同拎起左買，原來店舖係會照收我見到個個價錢架，即係$9.9一條；即係廿蚊就有四十包啦，超抵！
三蚊雞雖然係小數目，但按 % 計，係33.33%架，真係勁爆抵！我今日先知消費者有呢個權益添，因為我記得以前試過，但間舖都係話：唔好意思呀，唔記得改，應該係貴ｄ個價錢架．．．我同媽咪講，原來佢一早知添，咁以後大家買野要識爭取啦！
好耐冇食過咁細個既麵包仔，貪得意買黎做早餐，岩晒我鐘意試多ｄ野，但胃容量有限既人！只得包tissue咁細個咋，so cute！
沒有留言:
張貼留言