今日係情人節，我地早前叫人買"左麟右李演唱會"任何場次，點知一拎飛時就係星期六的今日，所以我地一早知道今日會有咩節目，唔洗特別花時間諗，我諗今個情人節太陽哥哥最著數啦，哈哈！
呢個假日太陽哥哥話會楂少日車，放一日假陪我，叫我揀喎，我就揀左聽日先放，因為今晚睇演唱會都到好夜，費事佢訓幾個鐘又楂車啦，所以今日情人節，我地五點半先相見！
為方便睇演唱會，我地係尖東食飯，太陽哥哥鐘意食壽司，見前兩天我生日佢安排咁周到，今日就陪佢食壽司，睇佢幾開心！
之前的情人節，太陽哥哥都因為買花被昆了接近四位數字，我覺得勁唔抵；自此後，我叫佢送ｄ假花咪得囉，幾十蚊一支咋麻，更何況我本身對Ｄcutie野更鍾情！所以佢今年送左支JUMBO SIZE玫瑰花比我，我都好驚喜，呢款花我見過，但未見到呢個SIZE呢！我估都係因情人節先出左呢個SIZE，我好鐘意呀，又可以玩，又唔會凋謝，仲可以留黎影結婚相添！雖然佢今年買花平左，但慳左既錢，都要用黎比我SHOPPING架，仲唔係一舉幾得，YEAH YEAH！
今日時間咁充足，我地慢慢享受晚餐，食到好飽呢，平時睇演唱會都趕到飯都食唔切，今日好慢條斯理，正！跟住向紅館進發．．．老實講，我係唔鍾意校長架，克勤就冇話特別鍾意同唔鍾意，但都唔抗拒，所以之前都會陪太陽哥哥睇克勤，正如佢都陪我睇華仔一樣；但今次比校長分左一半，我覺得八百蚊睇實在好唔值，所以只係買左二百蚊飛！
次次都吹捧捧，冇黎新意，好悶呢！我個兩支都冇興趣吹，因為我帶左私伙閃燈捧捧！
出場啦：
個舞台都幾靚丫！
最鍾意呢part的舞台設計，識郁架！！
大隻佬show time：
克勤個胸真係好大呀，仲大過我，哈哈！
呀倫見到握手時間，就揹多個蔡瀾袋出黎逗利是，笑死！
嘉樂仔talk show，當時係咁影住曾志偉、湯盈盈、鐘麗淇，兩個女仔真慘，被呀倫同克勤取笑，以前就鐘麗淇拉湯盈盈黎陪睇show(因梁榮忠做talk show)，宜家就調返轉！
因為尾場，好多老友都黎捧場，佢地一次過被邀請上台一齊玩！大家知係邊個黎嗎？
開估：
今晚嘉賓，encore後先出現，我等左好耐呢，仲以為收錯風！大家知係邊個黎嗎？
開估：
跟克勤合唱"愛一個人"，呀倫企係旁邊唔知做咩，人地好認真唱緊情歌，佢就行黎行去，攪到克勤一路唱都好難投入，咀角帶笑咁，好好笑！
十一點五十分完場，抵睇！！克勤臨尾好想喊咁樣呢！
今日係我跟太陽哥哥的第三個情人節，唔知下一個情人節我地仲係咪情人呢？其實點解有情人節，但又冇夫妻節既？
一年一度既情人節，都想祝福下我身邊既朋友：
單身既朋友們，係今日呢個日子，唔需要太傷感，我相信緣份好快會降臨係您地身上架啦！
拍緊拖既朋友，祝您同男／女朋友繼續甜過蜜糖，黏過漿糊！
結左婚既朋友，祝您同老公／老婆繼續甜甜蜜蜜、幸福快樂，快ｄ添多幾個ＢＢ比我玩！嘻嘻~~
Happy Valentine's Day !!!
沒有留言:
張貼留言