後日係我同太陽哥哥的大日子，我地踏入30個月紀念日啦，去到三字頭啦，佢仲話我成為左同佢拍拖最耐既女朋友添！YEAH~~ 其實，今個月都幾特別，又係拍拖30個月紀念日，亦係我的30歲生日，發生係同一個月．．．噢，比大家知道我個age添，不過唔緊要啦，係事實唔怕講麻，更何況我一向生得比實際年齡細，最重要係心境唔老咩得囉！（嘻嘻～～安慰自己～～）
由於後日正日太陽爸媽去完旅行返香港，我地應該要幫手拎行李，時間上未必慶祝到，所以就今日慶祝啦！每年的生日月，和民都會送我一張生日$100 coupon，因為只可係星期一至四用，今日似乎係好時間用左去！
今次我地叫左五色刺身，但唔太多，都係上次食既七色刺身份量勁ｄ；不過太陽哥哥有刺身食就開心啦，睇佢個樣幾開心，哈哈！
串燒盛盒：
第一次食串燒盛盒，新出架，鍾意食和民係佢keep住有新野，每次黎都可有新嘗試！
石鍋牛肉野菜燒係返叫，仲係太陽哥哥自己要求，上次食過返尋味吧，不過ｄ牛肉真係好正！
芝士照燒雞卷都係新野，我好鐘意食，饀料又健康，個汁又正，六舊入面我食左四舊呢！
蒜香海鮮炒飯好香好味，好多蝦同帶子架，幾扺食！和民真係食極都唔厭呀！
紀念日就互送小禮物啦，太陽哥哥買了件外套比我，我就買了條nike運動褲比佢！
太陽哥哥有條心愛既運動褲，被太陽爸爸掠衫時唔小心丟了落街搵唔返，太陽哥哥好傷心呀，但條褲係大半年前買架啦，咁舊既款，我地搵暈晒成條波鞋街都搵唔到呀，唯有買呢過條啦！呢條係新款架啦，不過太陽哥哥都係覺得好傷心．．．唉，我又幫唔到佢，好無奈呢！
沒有留言:
張貼留言