2009-02-09 (Mon) 元宵佳節．我的舊曆生日

 

 

  

今日係元宵佳節，亦係我的舊曆生日，出生於正月十五，係咪好浪漫呢？我成日都咁話自己架，嘻嘻~~

今日咁岩係學校儲協新春盆菜宴，上個月已跟同事們一齊報左名，因為有位舊同事AUDREY都會返黎一齊聚下，幾有意義！

 

 

  

好耐好耐都冇食過盆菜了，所以好有新鮮感！

開餐啦！個個都掛住食，冇咩人理我呢！

 

 

  

AUDREY係我剛入中大時的同事，個時係我做得最開心的日子，好懷念！今日佢仲比利是我呢！

 

 

  

抽獎券為我帶夾了一包北杏，哈哈！

最後影返張BA大合照先，濟濟一堂，好多人呀！

 

 

  

夜晚媽咪幫我慶祝生日，我揀左未去過的荃新天地！

抬頭看看月光，每個月都會有一次 full moon，但總覺得正月的係最靚既，哈哈!!

 

 

  

荃新天地好大，但店舖好散，行完呢邊要走返另一邊都好麻煩下；ｄ舖頭又唔夠大眾化，想行下b+ab都冇間，我覺得唔太好行！

 

 

  

原本想食上海婆婆，但要等太耐，最後去左被呢隻大餃子吸引的"大阪王將"！

餃子定食最誇，跟成十二隻餃子，就算餃子出名，食十二隻相信會反胃，食到嘔吧！

 

 

  

我地叫左天律飯套餐[$60]及王將拉麵套餐[$63]：

 

 

  

食完野後繼續周圍行下，發現呢間十分吸引的 PASTA de WARAKU；好靚好靚呀，我又鐘意食意粉，早ｄ見到佢實會揀呢間啦！

 

 

  

加大份量仲係同樣價錢，岩晒男仔，我即刻諗起威哥同呀健，哈哈！唯有等下次有機會先品嚐啦，但我又應該唔會再黎荃新天地喎，真係矛盾！

咁吸引皆因櫥窗入面有好多睇見都流口水既美食！

 

 

  

除意粉外，仲有扒餐同pizza，真係多元化喇！